Utukufu wa nguvu za Sayuni

¹Bwana ndiye aliye mkuu,[#Isa 2:2; Oba 1:17; Mik 4:1]

Na mwenye kusifiwa sana.

Katika mji wa Mungu wetu,

Katika mlima wake mtakatifu.

²Kuinuka kwake ni mzuri sana,[#Mt 5:35; Yer 3:19; Omb 2:15; Eze 20:6; Isa 14:13]

Ni furaha ya dunia yote.

Mlima Sayuni, kule upande wa kaskazini,

Mji wa Mfalme mkuu.

³Mungu katika majumba yake

Amejijulisha kuwa ngome.

⁴Maana, tazama, wafalme walikusanyika;[#2 Sam 10:6]

Walikuja wote pamoja.

⁵Mara Walipouona, wakashtuka;

Wakafadhaika na kukimbia.

⁶Papo hapo tetemeko liliwashika,

Uchungu kama wa mwanamke azaaye.

⁷Kama upepo wa mashariki[#Eze 27:26]

Unapovunja jahazi za Tarshishi.

⁸Kama tulivyosikia, ndivyo tulivyoona,[#Isa 2:2; Mik 4:1]

Katika mji wa BWANA wa majeshi.

Mji wa Mungu wetu;

Mungu atauimarisha hata milele.

⁹Tumezitafakari fadhili zako, Ee Mungu,

Katikati ya hekalu lako.

¹⁰Kama lilivyo jina lako, Ee Mungu,[#Mal 1:11]

Ndivyo na sifa yako hadi miisho ya dunia.

Mkono wako wa kulia umejaa haki;

¹¹Na ufurahi mlima Sayuni.

Binti za Yuda na washangilie

Kwa sababu ya hukumu zako.

¹²Tembeeni katika Sayuni,

Uzungukeni mji wote,

Ihesabuni minara yake,

¹³Tieni moyoni boma zake,

Yafikirini majumba yake,

Mpate kuwaambia kizazi kitakachokuja.

¹⁴Kwa maana ndivyo alivyo[#Isa 25:9]

MUNGU, Mungu wetu.

Milele na milele

Yeye ndiye atakayetuongoza.