Ibada ya kweli

¹Mungu, Mungu BWANA, amenena, ameiita nchi,

Toka maawio ya jua hadi machweo yake.

²Tokea Sayuni, ukamilifu wa uzuri,

Mungu ameangaza kote.

³Mungu wetu atakuja wala sio kimya kimya,

Moto utakula mbele zake,

na tufani yavuma sana ikimzunguka pande zote.

⁴Ataziita mbingu zilizo juu,[#Mik 6:1,2]

Na nchi pia, ili awahukumu watu wake.

⁵Nikusanyieni wacha Mungu wangu[#Isa 13:3; 1 Kor 6:2; 1 The 3:13; Yud 1:14; Kut 24:7; Isa 59:20,21; Ebr 8:6]

Waliofanya agano nami kwa dhabihu.

⁶Na mbingu zitatangaza haki yake,

Kwa maana Mungu ndiye aliye hakimu.

⁷Sikieni, enyi watu wangu, nami nitanena,

Mimi nitakushuhudia, Israeli;

Mimi ndimi niliye MUNGU, Mungu wako.

⁸Sitakukemea kwa ajili ya dhabihu zako,

Na kafara zako ziko mbele zangu daima.

⁹Sitatwaa ng'ombe katika nyumba yako,[#Isa 43:23; Mik 6:6; Mdo 17:25]

Wala beberu katika mazizi yako.

¹⁰Maana kila mnyama-pori ni wangu,

Na mifugo juu ya angani elfu.

¹¹Nawajua ndege wote wa milima,

Na wanyama wote wa mashamba ni wangu.

¹²Kama ningekuwa na njaa singekuambia,

Maana ulimwengu ni wangu, na vyote vilivyomo.

¹³Je! Nile nyama ya mafahali!

Au ninywe damu ya mbuzi!

¹⁴Mtolee Mungu dhabihu za kushukuru;[#Hes 14:2]

Mtimizie Aliye Juu nadhiri zako.

¹⁵Uniite siku ya mateso;[#Ayu 22:27; Zab 22:23; Mt 5:16; Yn 15:8]

Nitakuokoa, nawe utanitukuza.

¹⁶Bali mtu asiye haki, Mungu amwambia,

Una nini wewe kuitangaza sheria yangu,

Na kuliweka agano langu kinywani mwako?

¹⁷Maana wewe umechukia maonyo,[#Mit 1:7; 5:12,13; Rum 2:21; 2 The 2:10-12]

Na kuyatupa maneno yangu nyuma yako.

¹⁸Ulipomwona mwizi ulikuwa radhi naye,[#Rum 1:32]

Ukashirikiana na wazinzi.

¹⁹Umekiachia kinywa chako kinene mabaya,

Na ulimi wako unatunga uongo.

²⁰Umekaa na kumsengenya ndugu yako,

Na mwana wa mama yako umemsingizia.

²¹Ndivyo ulivyofanya, nami nikanyamaza;[#Mhu 8:11; Rum 2:4]

Ukadhani ya kuwa Mimi ni kama wewe.

Lakini nitakukemea;

Nitakuhukumu kwa hayo yote.

²²Yafahamuni hayo,

Ninyi mnaomsahau Mungu,

Nisije nikawararueni,

Asipatikane wa kuwaokoa.

²³Atoaye dhabihu za kushukuru,

Ndiye anayenitukuza.

Naye autengenezaye mwenendo wake,

Nitamwonesha wokovu wa Mungu.