Shangwe ya kuishi Sayuni

¹Msingi wake upo

Juu ya milima mitakatifu.

²BWANA ayapenda malango ya Sayuni

Kuliko maskani zote za Yakobo.

³Mambo makuu yanasemwa kukuhusu,[#Isa 60:1]

Ee Mji wa Mungu.

⁴Nitataja Rahabu na Babeli

Miongoni mwao wanaonijua.

Tazama Filistia, na Tiro, na Kushi;

Wanasema, Huyu alizaliwa humo.

⁵Naam, kuhusu Sayuni yatasemwa,[#Eze 48:35; Mt 16:18]

Huyu na huyu alizaliwa humo.

Na Yeye Aliye Juu

Atauimarisha.

⁶BWANA ataweka kumbukumbu, awaandikapo mataifa,[#Zab 22:30; Isa 4:3; Yer 3:19; Eze 13:9]

Huyu alizaliwa humo.

⁷Waimbao na wachezao ngoma na waseme,

Visima vyangu vyote vimo mwako.