Mafundisho kwa Maisha ya Kila Siku

¹Usizitumainie mali zako,

Wala usiseme, Zanitosha basi.

²Usifuate roho yako na nguvu zako,

Kuandamana na tamaa za moyo wako.

³Usiseme, Nani atakayenitawala?

Hakika BWANA atakulipiza kisasi.

⁴Usiseme, Nilikosa ikanipata nini?[#Mhu 8:11]

Hakika BWANA ndiye mvumilivu.

⁵Kuhusu upatanisho, usiwe mjasiri wa kutenda dhambi juu ya dhambi;

⁶wala usiseme, Huruma zake ni nyingi, ataniachilia dhambi zangu zijapokuwa ni nyingi. Kwa sababu rehema na ghadhabu zatoka kwake, na hasira yake itawakalia wakosaji.

⁷Usichelewe kumrudia BWANA, wala usikawie siku kwa siku; kwa maana ghadhabu ya BWANA itatokea kwa ghafla, nawe utaangamia wakati wa kisasi.

⁸Wala usizitegemee mali za udhalimu, kwa kuwa hazitakufaida lolote siku ile ya hasira.

Uthabiti na kujiweza

⁹Usipepete kwa kila upepo,

Wala usiipitie kila njia.

¹⁰Uwe mtu thabiti wa akili,

Na liwe moja neno lako.

¹¹Uwe mwepesi wa kusikia,

Na mzito wa kutoa jibu.

¹²Ikiwa unayo akili, umjibu jirani yako;

La! Huna, tia mkono wako kinywani pako.

¹³Heshima na aibu zina usemi,

Na ulimi humwangamiza mtu.

¹⁴Usiitwe msingiziaji,

Wala usisengenye kwa ulimi.

Juu ya mwizi inakaa aibu,

Na hukumu humsibu mnafiki.

¹⁵Usiwe fisadi katika jambo kubwa wala dogo;

Wala usipate kuwa adui badala ya rafiki.