1 Nya 24

Mgawanyo wa Makuhani

¹Na zamu za wana wa Haruni ni hizi. Wana wa Haruni; Nadabu, na Abihu, na Eleazari, na Ithamari.[#Kut 6:23; Law 10:1; Hes 3:2; 26:60]

²Lakini hao Nadabu na Abihu walikufa kabla ya baba yao, wala hawakuwa na watoto; kwa hiyo Eleazari na Ithamari wakafanya ukuhani.[#Hes 3:4; 26:61]

³Akawagawanya Daudi, na Sadoki wa wana wa Eleazari, na Ahimeleki wa wana wa Ithamari, katika utumishi kwa kadiri ya usimamizi wao.

⁴Wakaonekana wakuu wengi wa wana wa Eleazari kuliko wa wana wa Ithamari; wakagawanyika hivi; wa wana wa Eleazari kulikuwa na kumi na sita, waliokuwa wakuu wa mbari za baba zao; na wa wana wa Ithamari, sawasawa na mbari za baba zao, wanane.

⁵Ndivyo walivyogawanyika kwa kura, wao kwa wao; kwani kulikuwa na wakuu wa patakatifu, na wakuu wa Mungu, wa wana wa Eleazari, na wa wana wa Ithamari pia.[#Yos 18:10; Mit 16:33; 18:18; Mdo 1:26]

⁶Naye Shemaya, mwana wa Nethaneli, mwandishi, aliyekuwa wa Walawi, akawaandika mbele ya mfalme, na mbele ya wakuu, na Sadoki kuhani, na Ahimeleki, mwana wa Abiathari, na wakuu wa mbari za baba za makuhani, na za Walawi; ikatwaliwa ya Eleazari mbari moja ya baba, na moja ikatwaliwa ya Ithamari.[#1 Fal 4:3; Neh 8:4]

⁷Kura ya kwanza ikamtokea Yehoiaribu, na ya pili Yedaya;[#Ezr 2:36; Neh 7:39]

⁸ya tatu Harimu, ya nne Seorimu;[#Ezr 10:21]

⁹ya tano Malkia, ya sita Miyamini;

¹⁰ya saba Hakosi, ya nane Abia;[#Neh 12:4,17; Lk 1:5]

¹¹ya kenda Yeshua, ya kumi Shekania;

¹²ya kumi na moja Eliashibu, ya kumi na mbili Yakimu;

¹³ya kumi na tatu Hupa, ya kumi na nne Yeshebeabu;

¹⁴ya kumi na tano Bilga, ya kumi na sita Imeri;

¹⁵ya kumi na saba Heziri, ya kumi na nane Hapisesi;

¹⁶ya kumi na kenda Pethahia, ya ishirini Ezekieli;

¹⁷ya ishirini na moja Yakini, ya ishirini na mbili Gamuli;

¹⁸ya ishirini na tatu Delaya, ya ishirini na nne Maazia.

¹⁹Huu ndio usimamizi wao katika huduma yao, waingie nyumbani mwa BWANA kwa kadiri ya agizo lao, kwa mkono wa Haruni baba yao, kama BWANA, Mungu wa Israeli, alivyomwamuru.[#Hes 4:49; 1 Nya 9:25; 2 Fal 5:7; Lk 1:8,23]

Walawi Wengineo

²⁰Na wa wana wa Lawi, waliosalia; wa wana wa Amramu, Shebueli; wa wana wa Shebueli, Yedeya.[#1 Nya 23:16]

²¹Wa Rehabia; wa wana wa Rehabia, Ishia mkuu wao.[#1 Nya 23:17]

²²Wa Waishari, Shelomothi; wa wana wa Shelomothi, Yahathi.[#1 Nya 23:15]

²³Na wana wa Hebroni; Yeria mkuu wao, Amaria wa pili, Yahazieli wa tatu, Yekameamu wa nne.[#1 Nya 15:9; 23:19]

²⁴Wana wa Uzieli, Mika; wa wana wa Mika, Shamiri.

²⁵Nduguye Mika, Ishia; wa wana wa Ishia, Zekaria.

²⁶Wana wa Merari; Mali na Mushi; wana wa Yaazia; Beno.[#Kut 6:19; 1 Nya 23:21; Hes 3:20,33]

²⁷Wana wa Merari; wa Yaazia; Beno, na Shohamu, na Zakuri, na Ibri.

²⁸Wa Mali; Eleazari, asiyekuwa na wana.[#1 Nya 23:22]

²⁹Wa Kishi; wana wa Kishi; Yerameeli.

³⁰Na wana wa Mushi; Mali, na Ederi, na Yeremothi. Hao ndio wana wa Walawi, kwa kufuata mbari za baba zao.[#1 Nya 23:23]

³¹Hao nao wakatupiwa kura vile vile, kama ndugu zao wana wa Haruni, machoni pa Daudi mfalme, na Sadoki, na Ahimeleki, na wakuu wa mbari za baba za makuhani na za Walawi; mbari za baba za mkuu, vile vile kama za nduguye mdogo.