¹Tazama, jicho langu limeyaona hayo yote,

Sikio langu limeyasikia na kuelewa nayo.

²Hayo myajuayo ninyi, na mimi pia nayajua;

Mimi si duni kuliko ninyi.

³Hakika ningenena naye huyo Mwenyezi,

Nami nataka kuhojiana na Mungu.

⁴Lakini ninyi hubuni maneno ya uongo,

Ninyi nyote ni matabibu wasiofaa.

⁵Laiti mngenyamaza kabisa![#Mit 17:28; Mhu 5:3; Amo 5:13; Yak 1:19]

Hilo lingekuwa hekima kwenu.

⁶Sikieni sasa basi hoja zangu,

Mkayasikie mashindano ya midomo yangu.

⁷Je! Mtanena yasiyo ya haki kwa ajili ya Mungu,[#Ayu 17:5; Rum 3:5,8]

Na kusema kwa udanganyifu kwa ajili yake?

⁸Je! Mtamwonyesha yeye upendeleo?[#Mit 24:23]

Mtamtetea Mungu?

⁹Je! Itafaa yeye kuwatafuta ninyi?

Au, kama kumdanganya mtu, je! Mtamdanganya yeye?

¹⁰Hakika atawakemea ninyi,

Mkiwapendelea watu kwa siri.

¹¹Je! Huo ukuu wake hautawatia hofu,

Na utisho wake hautawaangukia?

¹²Matamko yenu ya hekima ni mithali ya majivu,

Ngome zenu ni ngome za udongo.

¹³Nyamazeni, niacheni, ili nipate kunena,

Na hayo yatakayonijilia na yaje.

¹⁴Nitaitwaa nyama ya mwili wangu katika meno yangu,[#Zab 119:109]

Na kuutwaa uhai wangu mkononi mwangu!

¹⁵Tazama, ataniua; sina tumaini;[#Zab 23:4; Mit 14:32; Rum 8:38,39; Ayu 27:5; #13:15 Au, ajaponiua, nitamngojea vivyo.]

Ila hata hivyo nitaithibitisha njia yangu mbele yake.

¹⁶Hili nalo litakuwa ni wokovu wangu;[#Isa 12:1,2]

Kwani asiyemcha Mungu hatakaribia mbele yake.

¹⁷Sikieni sana maneno yangu,

Maelezo yangu na yaingie masikioni mwenu.

¹⁸Angalieni sasa, nimekwisha kulitengeneza neno langu,

Najua ya kuwa ni mwenye haki mimi.

¹⁹Yuko nani atakayeshindana nami?[#Ayu 33:6; Isa 50:8]

Maana sasa nitanyamaa kimya na kutoa roho.

Ayubu atoa Ombi la Kukata Tamaa

²⁰Lakini msinifanyie mambo mawili, hayo tu,

Ndipo nami sitajificha usoni pako;

²¹Uondoe mkono wako usinilemee;

Na utisho wako usinitie hofu.

²²Basi uite wakati huo, nami nitaitika;

Au, niache ninene mimi, nawe unijibu.

²³Maovu yangu na dhambi zangu ni ngapi?

Nijulishe kosa langu na dhambi yangu.

²⁴Mbona umeuficha uso wako,[#Zab 10:1; Isa 8:17; Omb 2:5; 2 The 3:15]

Na kunihesabu kuwa ni adui yako?

²⁵Je! Utalitaabisha jani lipeperushwalo?[#Isa 17:13; 42:3]

Au, je! Utayafuatia hayo mabua makavu?

²⁶Kwani umeandika maneno ya uchungu juu yangu,[#Zab 25:7]

Na kunirithisha maovu ya ujana wangu;

²⁷Waitia miguu yangu katika mkatale, na kuyaaua mapito yangu yote;[#Ayu 33:11]

Wajiandikia alama kuzizunguka nyayo za miguu yangu;

²⁸Nijapokuwa ni kama kitu kilichooza, kinachosinyaa,

Mfano wa nguo iliyoliwa na nondo.