Wafalme Walioshindwa na Musa

¹Basi hawa ndio wafalme wa nchi, ambao wana wa Israeli waliwapiga na kuimiliki nchi yao ng’ambo ya pili ya Yordani, upande wa maawio ya jua, kutoka bonde la Amoni mpaka mlima wa Hermoni, na nchi yote ya Araba upande wa mashariki;[#Hes 21:21-35; Kum 2:26—3:11; Amu 11:18; Isa 16:2; Kum 3:8,9]

²Sihoni mfalme wa Waamori, aliyekaa huko Heshboni, naye ndiye aliyetawala toka Aroeri, ulioko kando ya bonde la Arnoni, na toka huo mji ulio katikati ya bonde, na nusu ya Gileadi, hata kuufikilia mto wa Yaboki, mpaka wa hao wana wa Amoni;

³na nchi ya Araba mpaka bahari ya Kinerethi, kuelekea mashariki, tena mpaka bahari ya Ataba, mpaka Bahari ya Chumvi, kwendea mashariki, njia ya kwendea Beth-yeshimothi; tena upande wa kusini, chini ya matelemko ya Pisga;[#Kum 3:17; Yos 13:20]

⁴tena mpaka wa Ogu mfalme wa Bashani, aliyekuwa wa hayo mabaki ya hao Warefai, aliyekaa Ashtarothi na Edrei,[#Hes 21:35; Kum 3:11]

⁵naye alitawala katika mlima wa Hermoni, na katika Saleka, na katika Bashani yote, hata mpaka wa Wageshuri, na Wamaaka, na nusu ya Gileadi, mpaka wa huyo Sihoni mfalme wa Heshboni.[#Yos 13:11; Kum 3:14; 1 Sam 27:8; 2 Sam 3:3; 13:37; 2 Fal 25:23]

⁶Musa mtumishi wa BWANA na wana wa Israeli wakawapiga; naye Musa mtumishi wa BWANA akawapa Wareubeni, na Wagadi, na nusu ya kabila ya Manase iwe urithi wao.[#Hes 32:33; Kum 3:12]

⁷Hawa ni wafalme wa hiyo nchi ambao Yoshua na wana wa Israeli waliwapiga ng’ambo ya pili ya Yordani upande wa magharibi, kutoka Baal-gadi katika bonde la Lebanoni mpaka kilima cha Halaki, kilichoelekea Seiri; Yoshua naye akawapa kabila za Israeli iwe milki yao sawasawa na magawanyo yao;[#Mwa 14:6; 32:3]

⁸katika nchi ya vilima, na katika Shefela, na katika nchi ya Araba, na katika matelemko, na katika bara, na katika Negebu; nchi ya Mhiti, na Mwamori, na Mkanaani, na Mperizi, na Mhivi, na Myebusi;[#Kut 3:8; Yos 10:40]

⁹mfalme wa Yeriko, mmoja; mfalme wa Ai, ulio karibu na Betheli, mmoja;[#Yos 6:2; 8:29]

¹⁰mfalme wa Yerusalemu, mmoja; mfalme wa Hebroni, mmoja;[#Yos 10:23]

¹¹mfalme wa Yarmuthi, mmoja; na mfalme wa Lakishi, mmoja;

¹²mfalme wa Egloni, mmoja; na mfalme wa Gezeri, mmoja;

¹³mfalme wa Debiri, mmoja; na mfalme wa Gederi, mmoja;

¹⁴mfalme wa Horma, mmoja; na mfalme wa Aradi, mmoja;

¹⁵mfalme wa Libna, mmoja; na mfalme wa Adulamu, mmoja;

¹⁶mfalme wa Makeda, mmoja; na mfalme wa Betheli, mmoja;

¹⁷mfalme wa Tapua, mmoja; na mfalme wa Heferi, mmoja;[#Yos 19:13; 1 Fal 4:10]

¹⁸mfalme wa Afeka, mmoja; na mfalme wa Lasharoni, mmoja;[#Isa 33:9]

¹⁹mfalme wa Madoni, mmoja; na mfalme wa Hazori, mmoja;

²⁰mfalme wa Shimron-meroni, mmoja; na mfalme wa Akshafu, mmoja;[#Yos 11:1; 19:15]

²¹mfalme wa Taanaki, mmoja; na mfalme wa Megido, mmoja;

²²na mfalme wa Kedeshi, mmoja; mfalme wa Yokneamu wa Karmeli, mmoja;[#Yos 19:37]

²³mfalme wa Dori katika kilima cha Dori, mmoja; na mfalme wa makabila katika Gilgali, mmoja;[#Mwa 14:1,2; Isa 9:1]

²⁴na mfalme wa Tirsa, mmoja; wafalme hao wote walikuwa ni thelathini na mmoja.