Nchi ya Yuda

¹Kura ya kabila ya wana wa Yuda kwa kuandama jamaa zao ilikuwa kufikilia hata mpaka wa Edomu, hata bara ya Sini upande wa kusini, huko mwisho upande wa kusini.[#Hes 34:3; 33:36]

²Mpaka wao wa kusini ulikuwa kutoka mwisho wa Bahari ya Chumvi, kutoka ile hori ielekeayo kusini;

³nao ukaendelea upande wa kusini wa kukwea kwenda Akrabimu, kisha ukaendelea hata Sini, kisha ukaenda upande wa kusini wa Kadesh-barnea, kisha ukaendelea karibu na Hesroni, kisha ukafikilia Adari, na kuzunguka kwendea Karka;

⁴kisha ukaendelea hata Azmoni, na kutokea hapo penye kijito cha Misri; na matokeo ya huo mpaka yalikuwa baharini; huu ndio mpaka wenu wa upande wa kusini.[#Hes 34:5; Mwa 15:18; 1 Fal 8:65]

⁵Na mpaka wa upande wa mashariki ulikuwa Bahari ya Chumvi, hata mwisho wa mto wa Yordani. Na mpaka wa upande wa kaskazini ulikuwa kutoka pale penye hori ya baharini mwisho wa mto wa Yordani;

⁶na huo mpaka ukaendelea hata Beth-hogla, kisha ukaendelea upande wa kaskazini wa Beth-araba; kisha mpaka ukaendelea hata jiwe la Bohani mwana wa Reubeni;[#Yos 18:17]

⁷kisha mpaka ukaendelea hata Debiri kutoka bonde la Akori, vivyo ukaendelea upande wa kaskazini, kwa kuelekea Gilgali, iliyo mkabala wa kukwelea kwenda Adumimu, ulio upande wa kusini wa mto; kisha huo mpaka ukaendelea hata ukafikilia maji ya Enshemeshi, na matokeo yake yalikuwa hapo Enrogeli;[#Yos 7:26; Isa 65:10; Hos 2:15; 2 Sam 17:17]

⁸kisha mpaka ukaendelea karibu na bonde la mwana wa Hinomu, na kufikilia ubavuni mwa huyu Myebusi upande wa kusini (ndio Yerusalemu); kisha mpaka ukaendelea hata kilele cha mlima ulio pale mkabala wa bonde la Hinomu upande wa magharibi, lililo pale mwisho wa bonde la Warefai upande wa kaskazini;[#Yos 18:16,28; 2 Fal 23:10; Yer 19:2,6; Amu 1:21; 19:10; 2 Sam 5:18]

⁹kisha mpaka ulipigwa kutoka juu ya mlima huo hata kufikilia chemchemi ya maji ya Neftoa kisha ukatokea hata miji ya kilima cha Efroni; kisha mpaka ulipigwa hata kufikilia Baala (ndio Kiriath-yearimu);[#1 Nya 13:6; Amu 18:12]

¹⁰kisha mpaka ukazunguka kutoka Baala kwendelea upande wa magharibi hata kilima Seiri, kisha ukaendelea hata upande wa mlima wa Yearimu upande wa kaskazini (huo ndio Kesaloni), kisha ukatelemkia Beth-shemeshi, na kwendelea karibu na Timna;[#Mwa 38:13; Amu 14:1]

¹¹kisha mpaka ukatokea hata kufikilia upande wa Ekroni upande wa kaskazini; tena mpaka ulipigwa hata Shikroni, na kwendelea hata kilima cha Baala, kisha ukatokea hapo Yabneeli; na matokeo ya mpaka yalikuwa baharini.[#Yos 19:43; 1 Sam 5:10]

¹²Na mpaka wa upande wa magharibi ulifikilia hata bahari kubwa, na mpaka wake. Huo ndio mpaka wa wana wa Yuda kwa kuzunguka kote kote sawasawa na jamaa zao.[#Hes 34:6; Kum 11:24; Eze 47:20]

Kalebu Aichukua Milki yake

¹³Kisha alimpa huyo Kalebu mwana wa Yefune sehemu kati ya wana wa Yuda, kama BWANA alivyomwamuru Yoshua, maana ni Kiriath-arba, ni huyo Arba aliyekuwa babaye Anaki (huo ndio Hebroni).[#Yos 14:13; Mwa 23:2]

¹⁴Huyo Kalebu aliwafukuza watoke hapo hao wana watatu wa Anaki, nao ni Sheshai, na Ahimani, na Talmai, wana wa Anaki.[#Amu 1:10; Hes 13:22]

¹⁵Kisha akakwea kutoka huko ili kuwaendea wenyeji wa Debiri; jina la Debiri hapo kwanza lilikuwa Kiriath-seferi.[#Yos 10:38]

¹⁶Kalebu akasema, Yeye atakayeupiga Kiriath-seferi na kuutwaa, mimi nitampa Aksa binti yangu awe mkewe.

¹⁷Naye Othnieli mwana wa Kenazi, nduguye Kalebu, aliutwaa; basi akampa Aksa binti yake awe mkewe.[#Amu 3:9; Hes 32:12; Yos 14:6]

¹⁸Kisha ikawa, hapo huyo mwanamke alipokwenda kwa mumewe, akamtaka aombe shamba kwa baba yake; akashuka katika punda wake; Kalebu akamwuliza, Wataka nini?[#Amu 1:14; Mwa 24:64; 1 Sam 25:23]

¹⁹Huyo mwanamke akasema, Nipe baraka; kwa kuwa umeniweka katika nchi ya kusini, unipe na chemchemi za maji pia. Ndipo akampa chemchemi za maji ya juu, na chemchemi za maji ya chini.[#Mwa 33:11]

Miji ya Yuda

²⁰Huu ndio urithi wa kabila ya wana wa Yuda sawasawa na jamaa zao.[#Mwa 49:8-12; Kum 33:7]

²¹Miji ya mwisho ya kabila ya wana wa Yuda upande wa kuelekea mpaka wa Edomu katika nchi ya Negebu ilikuwa ni Kabseeli, na Ederi, na Yaguri;[#Mwa 35:21]

²²na Kina, na Dimona, na Adada;

²³na Kedeshi, na Hazori, na Ithnani;

²⁴na Zifu, na Telemu, na Bealothi;[#1 Sam 15:4]

²⁵na Hazor-hadata, na Kerioth-hezroni (ndio Hazori);

²⁶na Amamu, na Shema, na Molada;

²⁷na Hasar-gada, na Heshmoni, na Bethpeleti;

²⁸na Hasarshuali, na Beer-sheba, na Biziothia;

²⁹na Baala, na Iyimu, na Esemu;

³⁰na Eltoladi, na Kesili, na Horma;

³¹na Siklagi, na Madmana, na Sansana;[#Yos 19:5; 1 Sam 27:6; 30:1; 1 Nya 12:1]

³²na Lebaothi, na Shilhimu, na Aini, na Rimoni; miji hiyo yote ni miji ishirini na kenda, pamoja na vijiji vyake.[#Neh 11:29]

³³Katika nchi ya Shefela, Eshtaoli, na Sora, na Ashna,[#Yos 19:41; Hes 13:23]

³⁴na Zanoa, na Enganimu, na Tapua, na Enamu;

³⁵na Yarmuthi, na Adulamu, na Soko, na Azeka;[#Yos 10:3,5; 12:15; 1 Sam 17:1; Yos 10:10]

³⁶na Shaarimu, na Adithaimu, na Gedera, na Gederothaimu miji kumi na minne, pamoja na vijiji vyake.[#1 Sam 17:52]

³⁷Senani, na Hadasha, na Migdal-gadi;

³⁸na Dilani, na Mispe, na Yoktheeli;[#2 Fal 14:7]

³⁹na Lakishi, na Boskathi, na Egloni;[#Yos 10:3; 2 Fal 18:14; 19:8; 2 Nya 11:9; 2 Fal 22:1; Yos 12:12]

⁴⁰na Kaboni, na Lamasi, na Kithilishi;

⁴¹na Gederothi, na Beth-dagoni, na Naama, na Makeda; miji kumi na sita, pamoja na vijiji vyake.

⁴²Libna, na Etheri, na Ashani;

⁴³na Yifta, na Ashna, na Nesibu;

⁴⁴na Keila, na Akizibu, na Maresha; miji kenda, pamoja na vijiji vyake.

⁴⁵Ekroni, pamoja na miji yake na vijiji vyake;

⁴⁶kutoka huko Ekroni mpaka baharini, yote iliyokuwa upande wa Ashdodi, pamoja na vijiji vyake.[#Yos 13:3; 1 Sam 5:1,6]

⁴⁷Ashdodi, na miji yake na vijiji vyake; na Gaza, na miji yake na vijiji vyake; mpaka kijito cha Misri, na bahari kubwa, na mpaka wake.[#Mwa 15:18; Hes 34:6]

⁴⁸Na katika nchi ya vilima, Shamiri, na Yatiri, na Soko;

⁴⁹na Dana, na Kiriath-sana (ambao ni Debiri);

⁵⁰na Anabu, na Eshtemoa, na Animu;

⁵¹na Gosheni, na Holoni, na Gilo; miji kumi na mmoja, pamoja na vijiji vyake.[#Yos 10:41; 11:16]

⁵²Arabu, na Duma, na Eshani;

⁵³na Yanumu, na Beth-tapua, na Afeka;

⁵⁴na Humta, na Kiriath-arba (ndio Hebroni), na Siori; miji kenda, pamoja na vijiji vyake.[#Mwa 23:2; Yos 14:15; Amu 1:10]

⁵⁵Maoni, na Karmeli, na Zifu, na Yuta;

⁵⁶na Yezreeli, na Yokdeamu, na Zanoa;

⁵⁷na Kaini, na Gibea, na Timna; miji kumi, pamoja na vijiji vyake.

⁵⁸Halhuli, na Bethsuri, na Gedori;

⁵⁹na Maarathi, na Bethanothi, Eltekoni; miji sita, pamoja na vijiji vyake.

⁶⁰Kiriath-baali (ndio Kiriath-yearimu), na Raba; miji miwili, pamoja vijiji vyake.[#Yos 18:14; 1 Sam 7:1,2; 1 Nya 13:6]

⁶¹Huko nyikani, Betharaba, na Midini, na Sekaka;

⁶²na Nibshani, na huo Mji wa Chumvi, na Engedi; miji sita, pamoja na vijiji vyake.[#1 Sam 23:29]

⁶³Tena katika habari ya Wayebusi, hao wenye kukaa Yerusalemu, wana wa Yuda hawakuweza kuwatoa; lakini hao Wayebusi walikaa pamoja na wana wa Yuda huko Yerusalemu hata hivi leo.[#Amu 1:8,21; 19:10-12; Hes 13:29; 2 Sam 5:6; 24:16,18; 1 Nya 11:4; 2 Nya 3:1; Zek 9:7]