Uaminifu wa Mungu kwa Israeli

¹Haleluya.[#Isa 12:4; #105:1 maana yake ni, Msifuni BWANA.]

Mshukuruni BWANA, liitieni jina lake,

Wajulisheni watu matendo yake.

²Mwimbieni, mwimbieni kwa zaburi,

Zitafakarini ajabu zake zote.

³Jisifuni kwa jina lake takatifu,

Na ufurahi moyo wao wamtafutao BWANA.

⁴Mtakeni BWANA na nguvu zake,[#Zab 27:8]

Utafuteni uso wake sikuzote.

⁵Zikumbukeni ajabu zake alizozifanya,[#Kum 8:2]

Miujiza yake na hukumu za kinywa chake.

⁶Enyi wazao wa Ibrahimu, mtumishi wake;

Enyi wana wa Yakobo, wateule wake.

⁷Yeye, BWANA, ndiye Mungu wetu;[#Isa 26:9]

Duniani mwote mna hukumu zake.

⁸Analikumbuka agano lake milele;[#Lk 1:72]

Neno lile aliloviamuru vizazi elfu.

⁹Agano alilofanya na Ibrahimu,[#Mwa 12:7; 17:8; 26:3; #Mwa 17:2; 22; 16; 26:3; Zab 111:5,9; Dan 9:4; Lk 1:73; Ebr 6:17]

Na uapo wake kwa Isaka.

¹⁰Alilomthibitishia Yakobo liwe amri,[#Mwa 28:13]

Na Israeli liwe agano la milele.

¹¹Akisema, Nitakupa wewe nchi ya Kanaani,[#Mwa 15:18]

Iwe urithi wenu mliopimiwa.

¹²Walipokuwa watu wawezao kuhesabiwa,[#Mwa 34:30; Kum 7:7; Mwa 17:8; Ebr 11:9]

Naam, watu wachache na wageni ndani yake,

¹³Wakatanga-tanga toka taifa hata taifa,

Toka ufalme mmoja hata kwa watu wengine.

¹⁴Hakumwacha mtu awaonee,[#Mwa 12:17; 20:3-7; 35:5]

Hata wafalme aliwakemea kwa ajili yao.

¹⁵Akisema, Msiwaguse masihi wangu,[#105:15 Au, mtiwa mafuta.]

Wala msiwadhuru nabii zangu.

¹⁶Akaiita njaa iijilie nchi,[#Mwa 41:53-57; 2 Fal 8:1; Law 26:26]

Akakiharibu chakula chote walichokitegemea.

¹⁷Alimpeleka mtu mbele yao,[#Mwa 37:28; 45:5]

Yusufu aliuzwa utumwani.

¹⁸Walimwumiza miguu yake kwa pingu,[#Mwa 39:20—40:15,23]

Akatiwa katika minyororo ya chuma.

¹⁹Hata wakati wa kuwadia neno lake,

Ahadi ya BWANA ilimjaribu.

²⁰Mfalme alituma watu akamfungua,[#Mwa 41:14]

Mkuu wa watu akamwachia.

²¹Akamweka kuwa bwana wa nyumba yake,[#Mwa 41:39-41]

Na mwenye amri juu ya mali zake zote.

²²Awafunge masheki wake kama apendavyo,

Na kuwafundisha wazee wake hekima.

²³Israeli naye akaingia Misri,[#Mwa 46:6; 47:11]

Yakobo akawa mgeni katika nchi ya Hamu.

²⁴Akawajalia watu wake wazae sana,[#Kut 1:7-14; Kum 26:5; Mdo 7:17]

Akawafanya kuwa hodari kuliko watesi wao.

²⁵Akawageuza moyo wawachukie watu wake,

Wakawatendea hila watumishi wake.

²⁶Akamtuma Musa, mtumishi wake,[#Kut 3:10—4:17; Hes 16:5]

Na Haruni ambaye amemchagua.

²⁷Akaweka mambo ya ishara zake kati yao,

Na miujiza katika nchi ya Hamu.

²⁸Alituma giza, kukafunga giza,[#Kut 10:21-23; Zab 99:7]

Wala hawakuyaasi maneno yake.

²⁹Aliyageuza maji yao yakawa damu,[#Kut 7:17-21]

Akawafisha samaki wao.

³⁰Nchi yao ilijaa vyura,[#Kut 8:1-6]

Vyumbani mwa wafalme wao.

³¹Alisema, kukaja makundi ya mainzi,[#Kut 8:16-17,20-24]

Na chawa mipakani mwao mwote.

³²Badala ya mvua aliwapa mvua ya mawe,[#Kut 9:22-25]

Na moto wa miali katika nchi yao.

³³Akaipiga mizabibu yao na mitini yao,

Akaivunja miti ya mipaka yao.

³⁴Alisema, kukaja nzige,[#Kut 10:12-15]

Na tunutu wasiohesabika;

³⁵Wakaila miche yote ya nchi yao,

Wakayala matunda ya ardhi yao.

³⁶Akawapiga wazaliwa wa kwanza katika nchi,[#Mwa 49:3; Kut 12:29]

Malimbuko ya nguvu zao.

³⁷Akawatoa hali wana fedha na dhahabu,[#Kut 12:33-36]

Katika kabila zao asiwepo mwenye kukwaa.

³⁸Misri ilifurahi walipoondoka,

Maana kwa ajili yao hofu imewaangukia.

³⁹Alitandaza wingu liwe funiko,[#Kut 13:21-22; Neh 9:12]

Na moto utoe nuru usiku.

⁴⁰Walipotaka akaleta kware,[#Kut 16:2-15]

Akawashibisha chakula cha mbinguni.

⁴¹Akaufunua mwamba, kukabubujika maji,[#Kut 17:1-7; Hes 20:2-13; Neh 9:15; Isa 48:21; 1 Kor 10:4]

Yakapita pakavuni kama mto.

⁴²Maana alilikumbuka neno lake takatifu,

Na Ibrahimu, mtumishi wake.

⁴³Akawatoa watu wake kwa shangwe,

Na wateule wake kwa nyimbo za furaha.

⁴⁴Akawapa nchi za mataifa, wakairithi kazi ya watu;[#Kum 6:10; Yos 11:16-23; 13:7]

⁴⁵Ili wazishike amri zake, na kuzitii sheria zake.[#Kum 4:1]

Haleluya.