Baraka za Mwenye Haki

¹Haleluya.

Heri mtu yule amchaye BWANA,

Apendezwaye sana na maagizo yake.

²Wazao wake watakuwa hodari duniani;

Kizazi cha wenye adili kitabarikiwa.

³Nyumbani mwake mna utajiri na mali,[#Mit 3:16; 15:6; Isa 33:6; Mt 6:33; 2 Kor 6:10]

Na haki yake yakaa milele.

⁴Nuru huwazukia wenye adili gizani;

Ana fadhili na huruma na haki.

⁵Heri atendaye fadhili na kukopesha;[#Lk 6:35]

Atengenezaye mambo yake kwa haki.

⁶Kwa maana hataondoshwa kamwe;

Mwenye haki atakumbukwa milele.

⁷Hataogopa habari mbaya;

Moyo wake u imara ukimtumaini BWANA.

⁸Moyo wake umethibitika hataogopa,

Hata awaone watesi wake wameshindwa.

⁹Amekirimu, na kuwapa maskini,[#Lk 11:41; Rum 12:13; Mdo 4:35; 20:35; 2 Kor 8:9; 9:9; 1 Tim 6:18]

Haki yake yakaa milele,

Pembe yake itatukuzwa kwa utukufu.

¹⁰Asiye haki ataona na kusikitika,[#Lk 13:28]

Atasaga meno yake na kuyeyuka,

Tamaa ya wasio haki itapotea.