Maajabu ya Mungu Wakati wa kutoka Misri

¹Haleluya.[#Kut 12:51]

Israeli alipotoka Misri,

Na Yakobo katika watu wa lugha ya kigeni.

²Yuda ilikuwa patakatifu pake,

Israeli milki yake.

³Bahari iliona ikakimbia,[#Kut 14:21; Yos 3:16]

Yordani ilirudishwa nyuma.

⁴Milima iliruka kama kondoo waume,[#Zab 29:6; 68:16; Hab 3:6]

Vilima kama wana-kondoo.

⁵Ee bahari, una nini, ukimbie?

Yordani, urudi nyuma?

⁶Enyi milima, mruke kama kondoo waume?

Enyi vilima, kama wana-kondoo?

⁷Tetemeka, Ee nchi, mbele za uso wa Bwana,

Mbele za uso wa Mungu wa Yakobo.

⁸Augeuza mwamba kuwa ziwa la maji,[#Kut 17:1-7; Hes 20:2-13; Zab 107:35]

Jiwe gumu kuwa chemchemi.