Shukrani kwa Ukombozi wa Israeli

¹Kama si BWANA aliyekuwa pamoja nasi,[#Mwa 15:1; Hes 14:9; Yos 1:5; Ebr 13:5; Rum 8:31]

Israeli na aseme sasa,

²Kama si BWANA aliyekuwa pamoja nasi,

Wanadamu walipotushambulia.

³Papo hapo wangalitumeza hai,[#Zab 35:25; Mit 1:12; Yer 51:34]

Hasira yao ilipowaka juu yetu

⁴Papo hapo maji yangalitugharikisha,

Mto ungalipita juu ya roho zetu;

⁵Papo hapo yangalipita juu ya nafsi zetu

Maji yafurikayo.

⁶Na ahimidiwe BWANA;

Asiyetutoa kuwa mawindo kwa meno yao.

⁷Nafsi yetu imeokoka kama ndege

Katika mtego wa wawindaji,

Mtego umevunjika, nasi tumeokoka.

⁸Msaada wetu u katika jina la BWANA,[#Kut 18:4; Zab 12:2; Mit 18:10; Isa 50:10; Ebr 13:6]

Aliyezifanya mbingu na nchi.