Uumbaji wa Mungu na Matukio ya Kihistoria

¹Mshukuruni BWANA kwa kuwa ni mwema;[#1 Nya 16:34; 2 Nya 5:13; 7:3; Ezr 3:11; Zab 100:5; 106:1; 107:1; 118:1; Yer 33:11]

Kwa maana fadhili zake ni za milele.

²Mshukuruni Mungu wa miungu;[#Kut 18:11; Kum 10:17]

Kwa maana fadhili zake ni za milele.

³Mshukuruni Bwana wa mabwana;[#1 Tim 6:15; Ufu 17:14]

Kwa maana fadhili zake ni za milele.

⁴Yeye peke yake afanya maajabu makuu;

Kwa maana fadhili zake ni za milele.

⁵Yeye aliyefanya mbingu kwa fahamu zake;[#Mwa 1:1; Mit 3:19]

Kwa maana fadhili zake ni za milele.

⁶Yeye aliyeitandaza nchi juu ya maji;[#Mwa 1:2; Yer 10:12]

Kwa maana fadhili zake ni za milele.

⁷Yeye aliyefanya mianga mikubwa;[#Mwa 1:16; Kum 4:19]

Kwa maana fadhili zake ni za milele.

⁸Jua litawale mchana;

Kwa maana fadhili zake ni za milele.

⁹Mwezi na nyota zitawale usiku;

Kwa maana fadhili zake ni za milele.

¹⁰Yeye aliyewapiga Wamisri kwa kuwaua wazaliwa wa kwanza wao;[#Kut 12:29]

Kwa maana fadhili zake ni za milele.

¹¹Akawatoa Waisraeli katikati yao;[#Kut 12:51]

Kwa maana fadhili zake ni za milele.

¹²Kwa mkono hodari na mkono ulionyoshwa;

Kwa maana fadhili zake ni za milele.

¹³Yeye aliyeigawa Bahari ya Shamu;[#Zab 78:13; Kut 14:21-29]

Kwa maana fadhili zake ni za milele.

¹⁴Akawavusha Israeli katikati yake;

Kwa maana fadhili zake ni za milele.

¹⁵Akamwangusha Farao na jeshi lake katika Bahari ya Shamu;

Kwa maana fadhili zake ni za milele.

¹⁶Yeye aliyewaongoza watu wake jangwani;[#Kum 8:15]

Kwa maana fadhili zake ni za milele.

¹⁷Yeye aliyewapiga wafalme wakuu;

Kwa maana fadhili zake ni za milele.

¹⁸Akawaua wafalme mashuhuri;[#Kum 29:7]

Kwa maana fadhili zake ni za milele.

¹⁹Sihoni, mfalme wa Waamori;[#Hes 21:21-30]

Kwa maana fadhili zake ni za milele.

²⁰Na Ogu, mfalme wa Bashani;[#Hes 21:31-35]

Kwa maana fadhili zake ni za milele.

²¹Akaitoa nchi yao iwe urithi;[#Yos 12:1]

Kwa maana fadhili zake ni za milele.

²²Urithi wa Israeli mtumishi wake;

Kwa maana fadhili zake ni za milele.

²³Aliyetukumbuka katika unyonge wetu;[#Mwa 8:1; Kum 32:36; Zab 102:17; Isa 63:9; Lk 1:48]

Kwa maana fadhili zake ni za milele.

²⁴Akatuokoa na watesi wetu;

Kwa maana fadhili zake ni za milele.

²⁵Kila chenye mwili akipa chakula chake;[#Zab 104:27]

Kwa maana fadhili zake ni za milele.

²⁶Mshukuruni Mungu wa mbingu;

Kwa maana fadhili zake ni za milele.