Ukuu na Wema wa Mungu

¹Ee Mungu wangu, Mfalme, nitakutukuza,

Nitalihimidi jina lako milele na milele.

²Kila siku nitakuhimidi,

Nitalisifu jina lako milele na milele.

³BWANA ndiye mkuu mwenye kusifiwa sana,

Wala ukuu wake hautambulikani.

⁴Kizazi kwa kizazi kitayasifu matendo yako,

Kitayatangaza matendo yako makuu.

⁵Nitaifikiri fahari ya utukufu wa adhama yako,

Na matendo yako yote ya ajabu.

⁶Watu watayataja matendo yako ya kutisha,

Nami nitausimulia ukuu wako.

⁷Watalihubiri kumbukumbu la wema wako mkuu.

Wataiimba haki yako.

⁸BWANA ana fadhili, ni mwingi wa huruma,[#Kut 34:6; Hes 14:18; Zab 86:5,15; 57:10; Omb 3:22,23; Yn 1:17]

Si mwepesi wa hasira, ni mwingi wa rehema,

⁹BWANA ni mwema kwa watu wote,[#Zab 100:5; Nah 1:7; Mt 5:45; Mdo 14:17]

Na rehema zake zi juu ya kazi zake zote.

¹⁰Ee BWANA, kazi zako zote zitakushukuru,[#Zab 19:1]

Na wacha Mungu wako watakuhimidi.

¹¹Wataunena utukufu wa ufalme wako,

Na kuuhadithia uweza wako.

¹²Ili kuwajulisha watu matendo yake makuu,

Na utukufu wa fahari ya ufalme wake.

¹³Ufalme wako ni ufalme wa zamani zote,

Na mamlaka yako ni ya vizazi vyote.

¹⁴BWANA huwategemeza wote waangukao,

Huwainua wote walioinama chini.

¹⁵Macho ya watu wote yakuelekea Wewe,

Nawe huwapa chakula chao wakati wake.

¹⁶Waufumbua mkono wako,

Wakishibisha kila kilicho hai matakwa yake.

¹⁷BWANA ni mwenye haki katika njia zake zote,

Na mwenye fadhili juu ya kazi zake zote.

¹⁸BWANA yu karibu na wote wamwitao,[#Zab 91:1; Isa 61:10; Yn 14:23; Yak 4:8; 1 Yoh 2:24; Yud 1:23; Ufu 3:20; Yn 4:24]

Wote wamwitao kwa uaminifu.

¹⁹Atawafanyia wamchao matakwa yao,[#1 Yoh 5:14]

Naye atakisikia kilio chao na kuwaokoa.

²⁰BWANA huwahifadhi wote wampendao,[#1 Pet 1:5]

Na wote wasio haki atawaangamiza.

²¹Kinywa changu kitazinena sifa za BWANA;

Wote wenye mwili na walihimidi jina lake takatifu

milele na milele.