Sifa kwa Wema wa Mungu kwa Israeli

¹Haleluya.[#Isa 42:10]

Mwimbieni BWANA wimbo mpya,

Sifa zake katika kusanyiko la watauwa.

²Israeli na amfurahie Yeye aliyemfanya,[#Ayu 35:10; Zek 9:9]

Wana wa Sayuni na wamshangilie mfalme wao.

³Na walisifu jina lake kwa kucheza,

Kwa matari na kinubi wamwimbie.

⁴Kwa kuwa BWANA awaridhia watu wake,[#Mit 11:20]

Huwapamba wenye upole kwa wokovu.

⁵Watauwa na waushangilie utukufu,

Waimbe kwa sauti kuu vitandani mwao.

⁶Sifa kuu za Mungu na ziwe vinywani mwao,[#Kum 7:1-2; Ebr 4:12; Ufu 1:16]

Na upanga mkali kuwili mikononi mwao.

⁷Ili kufanya kisasi juu ya mataifa,

Na adhabu juu ya kabila za watu.

⁸Wawafunge wafalme wao kwa minyororo,

Na wakuu wao kwa pingu za chuma.

⁹Kuwafanyia hukumu iliyoandikwa;[#Kum 7:1-2; Ufu 5:13; Rum 16:20; 1 Yoh 5:4]

Hiyo ndiyo heshima ya watauwa wake wote.

Haleluya.