Sala ya Uongozi na Ukombozi

¹Ee BWANA, nakuinulia nafsi yangu,[#1 Sam 1:15; Zab 86:4; Omb 3:41]

²Ee Mungu wangu,[#Zab 7:1; 18:2; Rum 10:11]

Nimekutumaini Wewe, nisiaibike,

Adui zangu wasifurahi kwa kunishinda.

³Naam, wakungojao hawataaibika hata mmoja;

Wataaibika watendao uhaini bila sababu.

⁴Ee BWANA, unijulishe njia zako,[#Kut 33:13; Zab 143:8; Mit 8:20]

Unifundishe mapito yako,

⁵Uniongoze katika kweli yako,

Na kunifundisha.

Maana Wewe ndiwe Mungu wa wokovu wangu,

Nakungoja Wewe mchana kutwa.

⁶Ee BWANA, kumbuka rehema zako na fadhili zako,

Maana zimekuwako tokea zamani.

⁷Usiyakumbuke makosa ya ujana wangu,[#Zab 51:1]

Wala maasi yangu.

Unikumbuke kwa kadiri ya fadhili zako,

Ee BWANA kwa ajili ya wema wako.

⁸BWANA yu mwema, mwenye adili,

Kwa hiyo atawafundisha wenye dhambi njia.

⁹Wenye upole atawaongoza katika hukumu,

Wenye upole atawafundisha njia yake.

¹⁰Njia zote za BWANA ni fadhili na kweli,

Kwao walishikao agano lake na shuhuda zake.

¹¹Ee BWANA, kwa ajili ya jina lako,[#Zab 31:3; 79:9; Rum 5:20]

Unisamehe uovu wangu, maana ni mwingi.

¹²Ni nani amchaye BWANA?[#Zab 37:23]

Atamfundisha katika njia anayoichagua.

¹³Nafsi yake itakaa hali ya kufanikiwa;[#Zab 37:11,22,29]

Wazao wake watairithi nchi.

¹⁴Siri ya BWANA iko kwao wamchao,[#Mit 3:32; Yn 7:17; 2 Kor 4:2-6]

Naye atawajulisha agano lake.

¹⁵Macho yangu humwelekea BWANA daima,[#Zab 141:8]

Naye atanitoa miguu yangu katika wavu.

¹⁶Uniangalie na kunifadhili,[#Zab 69:16]

Maana mimi ni mkiwa na mteswa.

¹⁷Katika shida za moyo wangu unifanyie nafasi,

Na kunitoa katika dhiki zangu.

¹⁸Utazame teso langu na taabu yangu;[#2 Sam 16:12]

Unisamehe dhambi zangu zote.

¹⁹Uwatazame adui zangu, maana ni wengi,

Wananichukia kwa machukio ya ukali.

²⁰Unilinde nafsi yangu na kuniponya,

Nisiaibike, maana nakukimbilia Wewe.

²¹Ukamilifu na unyofu zinihifadhi,

Maana nakungoja Wewe.

²²Ee Mungu, umkomboe Israeli,[#Zab 130:8]

Katika taabu zake zote.