Mwamini Mungu katika Dhiki

¹BWANA, watesi wangu wamezidi kuwa wengi,[#2 Sam 15:13—17:22]

Ni wengi wanaonishambulia,

²Ni wengi wanaoiambia nafsi yangu,[#2 Sam 16:8; Zab 22:7,8]

Hana wokovu huyu kwa Mungu.

³Na Wewe, BWANA, U ngao yangu pande zote,[#2 Fal 25:27; Zab 27:6]

Utukufu wangu na mwinua kichwa changu.

⁴Kwa sauti yangu namwita BWANA

Naye aniitikia toka mlima wake mtakatifu.

⁵Nalijilaza nikalala usingizi, nikaamka,[#Zab 4:8; Mit 3:24; Mdo 12:6]

Kwa kuwa BWANA ananitegemeza.

⁶Sitayaogopa makumi elfu ya watu,

Waliojipanga juu yangu pande zote.

⁷BWANA, uinuke, Mungu wangu, uniokoe,

Maana umewapiga taya adui zangu wote;

Umewavunja meno wasio haki.

⁸Wokovu una BWANA;[#Zab 37:39,40; Mit 21:31; Hes 13:4]

Baraka yako na iwe juu ya watu wako.