Shukrani kwa Kuponywa Maradhi Mabaya

¹Ee BWANA, nitakutukuza kwa maana umeniinua,

Wala hukuwafurahisha adui zangu juu yangu.

²Ee BWANA, Mungu wangu,[#Zab 6:2-4]

Nalikulilia ukaniponya.

³Umeniinua nafsi yangu,[#Zab 40:1,2]

Ee BWANA, kutoka kuzimu.

Umenihuisha na kunitoa

Miongoni mwao washukao shimoni.

⁴Mwimbieni BWANA zaburi,

Enyi watauwa wake.

Na kufanya shukrani.

Kwa kumbukumbu la utakatifu wake.

⁵Maana ghadhabu zake ni za kitambo kidogo,[#Zab 16:11; Ufu 22:17]

Katika radhi yake mna uhai.

Huenda kilio huja kukaa usiku,

Lakini asubuhi huwa furaha.

⁶Nami nilipofanikiwa nalisema,[#Ayu 29:18]

Sitaondoshwa milele.

⁷BWANA, kwa radhi yako[#Zab 104:29]

Wewe uliuimarisha mlima wangu.

Uliuficha uso wako,

Nami nikafadhaika.

⁸Ee BWANA, nalikulilia Wewe,

Naam, kwa BWANA naliomba dua.

⁹Mna faida gani katika damu yangu[#Zab 115:17]

Nishukapo shimoni?

Mavumbi yatakusifu?

Yataitangaza kweli yako?

¹⁰Ee BWANA, usikie, unirehemu,[#Zab 4:1]

BWANA, uwe msaidizi wangu.

¹¹Uligeuza matanga yangu kuwa machezo;[#2 Sam 6:14]

Ulinivua gunia, ukanivika furaha.

¹²Ili utukufu wangu ukusifu,

Wala usinyamaze.

Ee BWANA, Mungu wangu,

Nitakushukuru milele.