Hukumu kwa Waongo

¹Kwa nini kujisifia uovu, Ewe jabari?[#1 Sam 22:9-10; 21:7]

Wema wa Mungu upo sikuzote.

²Ulimi wako watunga madhara,[#Zab 50:19; Mit 12:18; Zab 59:7]

Kama wembe mkali, Ewe mwenye hila

³Umependa mabaya kuliko mema,[#Yer 9:4]

Na uongo kuliko kusema kweli.

⁴Umependa maneno yote ya kupoteza watu,

Ewe ulimi wenye hila.

⁵Lakini Mungu atakuharibu hata milele;[#Mit 2:22]

Atakuondolea mbali;

Atakunyakua hemani mwako;

Atakung’oa katika nchi ya walio hai.

⁶Nao wenye haki wataona;[#Ayu 22:19; Zab 58:10]

Wataingiwa na hofu na kumcheka;

⁷Kumbe! Huyu ndiye mtu yule,[#Ayu 31:24,25; Zab 49:6]

Asiyemfanya Mungu kuwa nguvu zake.

Aliutumainia wingi wa mali zake,

Na kujifanya hodari kwa madhara yake.

⁸Bali mimi ni kama mzeituni[#Zab 92:13]

Umeao katika nyumba ya Mungu.

Nazitumainia fadhili za Mungu milele na milele.

⁹Nitakushukuru milele kwa maana umetenda;[#Zab 54:6]

Nitalingojea jina lako kwa kuwa ni jema;

Mbele ya wacha Mungu wako.