Kushutumiwa kwa Wasiomwamini Mungu

¹Mpumbavu amesema moyoni, Hakuna Mungu;[#Rum 3:10-12; Zab 10:4]

Wametenda uovu wa ufisadi na kuchukiza,

Hakuna atendaye mema.

²Toka mbinguni MUNGU aliwachungulia wanadamu,[#Zab 33:13; 2 Nya 15:2]

Aone kama yuko mtu mwenye akili,

Amtafutaye Mungu.

³Kila mtu amepotoka, wameoza wote pamoja,[#Mhu 7:29]

Hakuna atendaye mema,

La! Hata mmoja.

⁴Je! Wafanyao maovu hawajui?[#Yer 4:22]

Walao watu wangu kama walavyo mkate,

Hawakumwita MUNGU.

⁵Hapo waliingiwa na hofu pasipokuwapo hofu,

Maana Mungu ameitawanya mifupa yake aliyekuhusuru.

Umewatia aibu,

Kwa sababu MUNGU amewadharau.

⁶Laiti wokovu wa Israeli utoke katika Sayuni!

MUNGU awarudishapo wafungwa wa watu wake;

Yakobo atashangilia,

Israeli atafurahi.