Kumtumaini Mungu katika Mateso

¹Mungu, unirehemu, maana yuko atakaye kunimeza,[#Zab 31:9]

Mchana kutwa ananionea akileta vita.

²Adui zangu wanataka kunimeza mchana kutwa,[#Zab 57:3]

Maana waletao vita juu yangu kwa kiburi ni wengi.

³Siku ya hofu yangu nitakutumaini Wewe;[#1 Sam 30:6; 2 Nya 20:3]

⁴Kwa msaada wa MUNGU nitalisifu neno lake.[#Ebr 13:5,6]

Nimemtumaini Mungu, sitaogopa;

Mwenye mwili atanitenda nini?

⁵Mchana kutwa wanapotosha maneno yangu,

Mawazo yao yote ni juu yangu kunitakia mabaya.

⁶Hukutanika, hujificha, huziangalia nyayo zangu,[#Mdo 4:27,28]

Kwa kuwa wameniotea nafsi yangu.

⁷Je! Wataokoka kwa uovu wao?

Ee Mungu, uwaangamize kwa hasira yako.

⁸Umehesabu kutanga-tanga kwangu;[#Mal 3:16]

Uyatie machozi yangu katika chupa yako;

(Je! Hayamo katika kitabu chako?)

⁹Ndipo adui zangu watarudi nyuma siku ile niitapo.[#Isa 8:9,10]

Neno hili najua kuwa MUNGU yu upande wangu;

¹⁰Kwa msaada wa MUNGU nitalisifu neno lake.

Kwa msaada wa BWANA nitalisifu neno lake.

¹¹Nimemtumaini Mungu, sitaogopa;

Mwanadamu atanitenda nini?

¹²Ee Mungu, nadhiri zako zi juu yangu;[#Zab 116:14-16]

Nitakutolea dhabihu za kushukuru.

¹³Maana umeniponya nafsi yangu na mauti;[#Ayu 33:30]

Je! Hukuizuia miguu yangu isianguke?

Ili nienende mbele za Mungu

Katika nuru ya walio hai.