Sala ya Ukombozi kutoka kwa Adui

¹Ee Mungu, uniokoe,

Ee BWANA, unisaidie hima.

²Waaibike, wafedheheke,[#Zab 109:29]

Wanaoitafuta nafsi yangu.

Warudishwe nyuma, watahayarishwe,

Wapendezwao na shari yangu.

³Warudi nyuma, na iwe aibu yao,

Wanaosema, Ewe! Ewe!

⁴Washangilie, wakufurahie,[#Isa 61:10; Hab 3:17; Rum 5:2; Flp 3:1; 1 Pet 1:2-9]

Wote wakutafutao.

Waupendao wokovu wako

Waseme daima, Atukuzwe Mungu.

⁵Nami ni maskini na mhitaji,[#Zab 40:17; Amu 5:28; Zab 141:1; Ebr 10:37; Ufu 22:20]

Ee Mungu, unijilie kwa haraka.

Ndiwe msaada wangu na mwokozi wangu,

Ee BWANA, usikawie.