Hakikisho la Ulinzi wa Mungu

¹Aketiye mahali pa siri pake Aliye juu

Atakaa katika uvuli wake Mwenyezi.

²Nitasema, BWANA ndiye kimbilio langu na ngome yangu,

Mungu wangu nitakayemtumaini.

³Maana Yeye atakuokoa na mtego wa mwindaji,

Na katika tauni iharibuyo.

⁴Kwa manyoya yake atakufunika,[#Zab 61:4]

Chini ya mbawa zake utapata kimbilio;

Uaminifu wake ni ngao na kigao.

⁵Hutaogopa hofu ya usiku,[#Ayu 5:19; Mit 3:23; Isa 43:2]

Wala mshale urukao mchana,

⁶Wala tauni ipitayo gizani,

Wala uele uharibuo adhuhuri,

⁷Ijapo watu elfu waanguka ubavuni pako.

Naam, kumi elfu mkono wako wa kuume!

Hata hivyo hautakukaribia wewe.

⁸Ila kwa macho yako utatazama,[#Mal 1:5]

Na kuyaona malipo ya wasio haki.

⁹Kwa kuwa Wewe BWANA ndiwe kimbilio langu;

Umemfanya Aliye juu kuwa makao yako.

¹⁰Mabaya hayatakupata wewe,[#Mit 1:33; 2 The 3:3; 2 Pet 2:9]

Wala tauni haitaikaribia hema yako.

¹¹Kwa kuwa atakuagizia malaika zake[#Mt 4:6; Lk 4:10; #Zab 34:7; Mt 4:6; Lk 4:10; Ebr 1:14]

Wakulinde katika njia zako zote.

¹²Mikononi mwao watakuchukua,[#Ayu 5:23; Zab 37:24; Mt 4:6; Lk 4:11]

Usije ukajikwaa mguu wako katika jiwe.

¹³Utawakanyaga simba na nyoka,[#Lk 10:19]

Mwana-simba na joka utawaseta kwa miguu.

¹⁴Kwa kuwa amekaza kunipenda

Nitamwokoa; na kumweka palipo juu,

Kwa kuwa amenijua Jina langu.

¹⁵Ataniita nami nitamwitikia;[#Ayu 22:27; Zab 18:3; Yer 33:3; Zek 13:9; Ebr 5:7; Zab 43:2; 1 Sam 2:30]

Nitakuwa pamoja naye taabuni,

Nitamwokoa na kumtukuza;

¹⁶Kwa siku nyingi nitamshibisha,

Nami nitamwonyesha wokovu wangu.