¹BASSI, kabla ya mambo yote, dua, na sala, na maombezi, na shukrani, zifanyike kwa ajili ya watu wote;

²kwa ajili ya wafalme, na wote wenye mamlaka, tuishi maisha ya ntulivu na amani, katika utawa wote, na ustahifu.

³Maana hili ni zuri, lenye kibali mbele za Mwokozi wetu Mungu

⁴atakae watu wote waokolewe wakapate kujua sana yaliyo kweli.

⁵Kwa sababu Mungu ni mmoja, na mpatanishi kati ya Mungu na wana Adamu ni mmoja, mwana Adamu, Kristo Yesu,

⁶aliyejitoa nafsi yake kuwa ukombozi kwa ajili ya wote utakaoshuhudiwa kwa majira yake;

⁷kwa ajili ya huo naliwekwa niwe mkhubiri na mtume (nasema kweli katika Kristo, sisemi uwongo), mwalimu wa mataifa katika imani na kweli.

⁸Bassi nataka wanaume waombe killa mahali, wakimua mikono mitakatifu, pasipo hasira na majadiliano.

⁹Na vivyo hivyo wanawake wajipambe kwa mavazi ya kujisetiri, pamoja na adabu nzuri, na moyo wa kiasi, si kwa kusuka nywele, wala kwa dhahabu na lulu, wala kwa nguo za thamani;

¹⁰bali kama iwapasavyo wanawake wanaokiri utawa, kwa matendo mema.

¹¹Mwanamke na ajifunze kalika utulivu, akitii kwa killa namna.

¹²Simpi mwanamke rukhusa kufundisha, wala kumtawala mwanamume, bali kuwa katika utulivu.

¹³Kwa maana Adamu ndiye aliyeumbwa kwanza, na Hawa baadae.

¹⁴Na Adamu hakudanganywa, bali mwanamke akidanganywa aliingia hali ya kukosa.

¹⁵Lakini ataokolewa, kwa ule uzazi, kama wakidumu katika imani na npendo na utakatifu pamoja na moyo wa kiasi.