The chat will start when you send the first message.
1Oh mangagpasalamat kayo sa Panginoon; sapagka't siya'y mabuti:[#1 Cron. 16:35; Awit 106:1.]
Sapagka't ang kaniyang kagandahang-loob ay magpakailan man.
2Sabihing gayon ng tinubos ng Panginoon,[#Is. 62:12.]
Na kaniyang tinubos sa kamay ng kaaway;
3At mga pinisan mula sa mga lupain,[#Awit 106:47; Is. 11:12.]
Mula sa silanganan, at mula sa kalunuran,
Mula sa hilagaan at mula sa timugan.
4Sila'y nagsilaboy sa ilang, sa ulilang landas;[#Deut. 32:10.]
Sila'y hindi nakasumpong ng bayang tahanan.
5Gutom at uhaw,
Ang kanilang kaluluwa'y nanglupaypay sa kanila.
6Nang magkagayo'y nagsidaing sila sa Panginoon sa kanilang kabagabagan,[#tal. 13, 19, 28.]
At iniligtas niya sila sa kanilang kahirapan.
7Pinatnubayan naman niya sila sa matuwid na daan,[#Ezra 8:21.]
Upang sila'y magsiyaon sa bayang tahanan.
8Oh purihin ng mga tao ang Panginoon dahil sa kaniyang kagandahang-loob,[#tal. 15, 21, 31.]
At dahil sa kaniyang mga kagilagilalas na mga gawa sa mga anak ng mga tao!
9Sapagka't kaniyang binigyang kasiyahan ang nananabik na kaluluwa,[#Luc. 1:53.]
At ang gutom na kaluluwa ay binusog niya ng kabutihan.
10Ang gayong tumatahan sa kadiliman, at sa lilim ng kamatayan,[#Is. 42:7; 49:9; Luc. 1:79.]
Na natatali sa dalamhati at pangaw;
11Sapagka't sila'y nanghimagsik laban sa mga salita ng Dios,
At hinamak ang payo ng Kataastaasan:
12Kaya't kaniyang ibinaba ang kanilang puso na may hirap;
Sila'y nangabuwal, at walang sumaklolo.
13Nang magkagayo'y nagsidaing sila sa Panginoon sa kanilang kabagabagan,[#tal. 6, 19, 28.]
At iniligtas niya sila sa kanilang kahirapan.
14Inilabas niya sila sa kadiliman at sa lilim ng kamatayan,[#Awit 68:6.]
At pinatid ang kanilang mga tali.
15Oh purihin ng mga tao ang Panginoon dahil sa kaniyang kagandahang-loob,[#tal. 7, 21, 31.]
At dahil sa kaniyang mga kagilagilalas na mga gawa sa mga anak ng mga tao!
16Sapagka't kaniyang sinira ang mga pintuang-bayan na tanso,[#Is. 45:2.]
At pinutol ang mga halang na bakal.
17Mga mangmang dahil sa kanilang mga pagsalangsang,[#Kaw. 1:7; 14:9.]
At dahil sa kanilang mga kasamaan ay nadadalamhati.
18Kinayayamutan ng kanilang kaluluwa ang sarisaring pagkain;
At sila'y nagsisilapit sa mga pintuan ng kamatayan,
19Nang magkagayo'y nagsidaing sila sa Panginoon sa kanilang kabagabagan,[#tal. 6, 13, 28.]
At iniligtas niya sila sa kanilang kahirapan.
20Sinugo niya ang kaniyang salita, at pinagaling sila,[#2 Hari 20:4, 5; Awit 147:15; Mat. 8:8.; #Awit 30:2.]
At iniligtas sila sa kanilang mga ikapapahamak.
21Oh purihin ng mga tao ang Panginoon dahil sa kaniyang kagandahang-loob,[#tal. 8, 15, 31.]
At dahil sa kaniyang kagilagilalas na mga gawa sa mga anak ng mga tao!
22At mangaghandog sila ng mga hain na pasalamat,[#Lev. 7:12; Heb. 13:15.]
At ipahayag ang kaniyang mga gawa na may awitan.
23Silang nagsisibaba sa dagat sa mga sasakyan,[#Is. 42:10.]
Na nangangalakal sa mga malawak na tubig;
24Ang mga ito'y nangakakakita ng mga gawa ng Panginoon,
At ng kaniyang mga kababalaghan sa kalaliman.
25Sapagka't siya'y naguutos, at nagpapaunos,[#Jon. 1:4.]
Na nagbabangon ng mga alon niyaon.
26Nagsisitaas sa mga langit, nagsisibaba uli sa mga kalaliman:
Ang kanilang kaluluwa ay natutunaw dahil sa kabagabagan.
27Sila'y hahampashampas na paroo't parito, at gigiraygiray na parang lasing,[#Is. 24:20; 29:9.]
At ang kanilang karunungan ay nawala.
28Nang magkagayo'y nagsidaing sila sa Panginoon sa kanilang kabagabagan,[#tal. 6, 13, 19.]
At inilabas niya sila sa kanilang kahirapan.
29Kaniyang pinahihimpil ang bagyo,[#Awit 89:9; Mat. 8:26.]
Na anopa't ang mga alon niyaon ay nagsisitahimik.
30Nang magkagayo'y natutuwa sila, dahil sa sila'y tiwasay.
Sa gayo'y kaniyang dinadala sila sa daongang kanilang ibigin.
31Oh purihin ng mga tao ang Panginoon dahil sa kaniyang kagandahang-loob,[#tal. 8, 15, 21.]
At dahil sa kaniyang kagilagilalas na mga gawa sa mga anak ng mga tao!
32Ibunyi rin naman nila siya sa kapulungan ng bayan,[#Awit 22:25.]
At purihin siya sa upuan ng mga matanda.
33Kaniyang pinapagiging ilang ang mga ilog,[#1 Hari 17:1, 7.]
At uhaw na lupa ang mga bukal:
34Na maalat na ilang ang mainam na lupain,[#Gen. 13:10; 14:3; 19:25, 28.]
Dahil sa kasamaan nila na nagsisitahan doon.
35Kaniyang pinapagiging lawa ng mga tubig ang ilang,
At mga bukal ang tuyong lupain.
36At kaniyang pinatatahan doon ang gutom,
Upang makapaghanda sila ng bayang tahanan;
37At maghasik sa mga bukid, at magtanim ng mga ubasan,
At magtamo ng mga bunga na pakinabang.
38Kaniya namang pinagpapala sila, na anopa't sila'y lubhang nagsisidami;[#Gen. 12:2; Ex. 1:7.]
At hindi tinitiis na ang kanilang kawan ay magkulang.
39Muli, sila'y nakulangan at nahapay
Sa kapighatian, kabagabagan, at kahirapan.
40Kaniyang ibinubugso ang kadustaan sa mga pangulo,[#Job 12:21, 24.]
At kaniyang pinagagala sila sa ilang na walang lansangan.
41Gayon ma'y iniuupo niya sa mataas ang mapagkailangan mula sa kadalamhatian,[#1 Sam. 1:8; Awit 113:7, 8.]
At ginagawan siya ng mga angkan na parang kawan.
42Makikita ng matuwid, at matutuwa;
At titikumin ng lahat ng kasamaan ang kaniyang bibig.
43Kung sino ang pantas ay magbulay sa mga bagay na ito,[#Jer. 9:12; Os. 14:9.]
At kanilang magugunita ang mga kagandahang-loob ng Panginoon.