MGA AWIT 113

Ang Panginoon ay pinuri dahil sa pagpuri sa nagpapakababa.

¹Purihin ninyo ang Panginoon. Purihin ninyo, Oh ninyong mga lingkod ng Panginoon,

Purihin ninyo ang pangalan ng Panginoon.

²Purihin ang pangalan ng Panginoon[#Awit 115:18.]

Mula sa panahong ito at magpakailan man.

³Mula sa pagsikat ng araw hanggang sa paglubog niyaon[#Awit 50:1; Mal. 1:11.]

Ang pangalan ng Panginoon ay pupurihin,

⁴Ang Panginoon ay mataas na higit sa lahat ng mga bansa,[#Awit 99:2.]

At ang kaniyang kaluwalhatian ay sa itaas ng mga langit.

⁵Sino ang gaya ng Panginoon nating Dios,[#Awit 80:6.]

Na may kaniyang upuan sa itaas,

⁶Na nagpapakababang tumitingin[#Is. 57:15.]

Ng mga bagay na nangasa sa langit at sa lupa?

⁷Kaniyang ibinabangon ang dukha mula sa alabok,[#1 Sam. 2:8.]

At itinataas ang mapagkailangan mula sa dumi;

⁸Upang maupo siya na kasama ng mga pangulo,

Sa makatuwid baga'y ng mga pangulo ng kaniyang bayan.

⁹Kaniyang pinapagiingat ng bahay ang baog na babae,[#1 Sam. 2:5; Is. 54:1.]

At maging masayang ina ng mga anak.

Purihin ninyo ang Panginoon.