MGA AWIT 136

Pasalamat dahil sa kagandahang-loob ng Panginoon sa Israel.

¹Oh mangagpasalamat kayo sa Panginoon; sapagka't siya'y mabuti:[#1 Cron. 16:34; Awit 118:1.]

Sapagka't ang kaniyang kagandahang-loob ay magpakailan man.

²Oh mangagpasalamat kayo sa Dios ng mga dios:[#Deut. 10:17.]

Sapagka't ang kaniyang kagandahang-loob ay magpakailan man.

³Oh mangagpasalamat kayo sa Panginoon ng mga panginoon:

Sapagka't ang kaniyang kagandahang-loob ay magpakailan man.

⁴Sa kaniya na gumagawang magisa ng mga dakilang kababalaghan:[#Awit 72:18.]

Sapagka't ang kaniyang kagandahang-loob ay magpakailan man.

⁵Sa kaniya na gumawa ng mga langit sa pamamagitan ng unawa:[#Awit 104:24; Kaw. 3:19.]

Sapagka't ang kaniyang kagandahang-loob ay magpakailan man.

⁶Sa kaniya na naglalatag ng lupa sa ibabaw ng tubig:[#Gen. 1:6; Is. 42:5; 44:24; Jer. 10:12.]

Sapagka't ang kaniyang kagandahang-loob ay magpakailan man.

⁷Sa kaniya na gumawa ng mga dakilang tanglaw;[#Gen. 1:14.]

Sapagka't ang kaniyang kagandahang-loob ay magpakailan man:

⁸Ng araw upang magpuno sa araw:

Sapagka't ang kaniyang kagandahang-loob ay magpakailan man:

⁹Ng buwan at mga bituin upang magpuno sa gabi:

Sapagka't ang kaniyang kagandahang-loob ay magpakailan man.

¹⁰Sa kaniya na sumakit sa Egipto sa kanilang mga panganay:[#Ex. 12:29; Awit 78:51.]

Sapagka't ang kaniyang kagandahang-loob ay magpakailan man:

¹¹At kinuha ang Israel sa kanila: Sapagka't ang kaniyang kagandahang-loob ay magpakailan man:[#Ex. 12:51; 13:3, 17.]

¹²Sa pamamagitan ng malakas na kamay, at ng unat na bisig:[#Deut. 4:34.]

Sapagka't ang kaniyang kagandahang-loob ay magpakailan man.

¹³Sa kaniya na humawi ng Dagat na Mapula:[#Ex. 14:21, 22.]

Sapagka't ang kaniyang kagandahang-loob ay magpakailan man:

¹⁴At nagparaan sa Israel sa gitna niyaon:

Sapagka't ang kaniyang kagandahang-loob ay magpakailan man:

¹⁵Nguni't tinabunan si Faraon at ang kaniyang hukbo sa Dagat na Mapula:[#Ex. 14:28.]

Sapagka't ang kaniyang kagandahang-loob ay magpakailan man.

¹⁶Sa kaniya na pumatnubay ng kaniyang bayan sa ilang:[#Ex. 15:22.]

Sapagka't ang kaniyang kagandahang-loob ay magpakailan man.

¹⁷Sa kaniya na sumakit sa mga dakilang hari:[#Hanggang tal. 22; Awit 135:10-12.]

Sapagka't ang kaniyang kagandahang-loob ay magpakailan man:

¹⁸At pumatay sa mga bantog na hari:[#Deut. 29:7.]

Sapagka't ang kaniyang kagandahang-loob ay magpakailan man:

¹⁹Kay Sehon na hari ng mga Amorrheo;[#Blg. 31:21, 24.]

Sapagka't ang kaniyang kagandahang-loob ay magpakailan man:

²⁰At kay Og na hari sa Basan:[#Blg. 21:33, 35.]

Sapagka't ang kaniyang kagandahang-loob ay magpakailan man:

²¹At ibinigay ang kanilang lupain na pinakamana.[#Jos. 12:7.]

Sapagka't ang kaniyang kagandahang-loob ay magpakailan man:

²²Sa makatuwid baga'y pinakamana sa Israel na kaniyang lingkod:[#Awit 69:36.]

Sapagka't ang kaniyang kagandahang-loob ay magpakailan man.

²³Na siyang umalaala sa atin sa ating mababang kalagayan:[#Gen. 8:1; Deut. 32:36.]

Sapagka't ang kaniyang kagandahang-loob ay magpakailan man:

²⁴At iniligtas tayo sa ating mga kaaway:

Sapagka't ang kaniyang kagandahang-loob ay magpakailan man:

²⁵Siya'y nagbibigay ng pagkain sa lahat ng kinapal:[#Awit 104:27.]

Sapagka't ang kaniyang kagandahang-loob ay magpakailan man.

²⁶Oh mangagpasalamat kayo sa Dios ng langit:

Sapagka't ang kaniyang kagandahang-loob ay magpakailan man.