1 Mga Hari 5

Ang Paghahanda sa Pagpapatayo ng Templo

¹Matagal nang magkaibigan si Haring Hiram ng Tiro at si Haring David. Kaya nang mabalitaan ni Hiram na pinalitan ni Solomon ang ama niyang si David bilang hari, nagsugo siya ng kanyang mga opisyal kay Solomon.

²Pagkatapos, nagpadala si Solomon ng mensahe kay Hiram:

⁷Tuwang-tuwa si Hiram nang matanggap niya ang mensahe ni Solomon. Sinabi niya, “Purihin natin ang Panginoon sa araw na ito, dahil binigyan niya si David ng matalinong anak para pamahalaan ang makapangyarihang bansang ito!”

⁸Kaya nagpadala si Hiram ng mensahe kay Solomon na nagsasabi:

¹⁰Pinadalhan nga ni Hiram si Solomon ng lahat ng kahoy na sedro at sipres na kailangan niya.

¹¹At pinadalhan naman ni Solomon si Hiram ng isandaang libong takal ng trigo at 110,000 galong langis ng olibo bawat taon.

¹²Binigyan ng Panginoon si Solomon ng karunungan ayon sa kanyang ipinangako. Maganda ang relasyon nina Solomon at Hiram, at gumawa sila ng kasunduan na hindi sila maglalaban.

¹³Pagkatapos, sapilitang pinagtrabaho ni Haring Solomon ang tatlumpung libong kalalakihan mula sa buong Israel.

¹⁴Pinagpangkat sila ayon sa bilang na sampung libo bawat isang pangkat at ipinapadala sa Lebanon bawat buwan. Kaya ang bawat grupo ay isang buwan sa Lebanon at dalawang buwan sa kanilang lugar. Si Adoniram ang tagapamahala ng mga trabahador na ito.

¹⁵May pitumpung libong tao si Solomon na tagahakot ng mga materyales at walumpung libong tao na tagatabas ng bato sa kabundukan.

¹⁶Mayroon din siyang 3,300 kapatas na namamahala sa trabaho at mga trabahador.

¹⁷At sa utos niya, nagtabas sila ng malalakiʼt magagandang uri ng bato para sa pundasyon ng Templo.

¹⁸Kaya inihanda ng mga tauhan nina Solomon at Hiram, kasama ng mga taga-Gebal, ang mga bato at mga kahoy para sa pagpapatayo ng Templo.[#5:18 : Kinalaunan, ang lugar na ito ay tinatawag na Biblos.]