1 Mga Hari 9

Nagpakita ang Panginoon kay Solomon

¹Nang matapos ni Solomon ang pagpapatayo ng Templo ng Panginoon at ng kanyang palasyo, at ng lahat ng iba pang ninais niyang gawin,

²muling nagpakita ang Panginoon gaya ng pagpapakita niya noon sa kanya, sa Gibeon.

³Sinabi sa kanya ng Panginoon :

Ang Iba pang mga Nagawa ni Solomon

¹⁰Matapos na maipatayo ni Solomon ang dalawang gusali, ang Templo ng Panginoon at ang palasyo sa loob ng dalawampung taon,

¹¹ibinigay niya ang dalawampung bayan sa Galilea kay Haring Hiram ng Tiro. Ginawa niya ito dahil tinustusan siya ni Hiram ng lahat ng kahoy na sedro at sipres at ng ginto na kanyang kailangan.[#9:11 : O “pine tree.”]

¹²Ngunit nang pumunta si Hiram sa Galilea mula sa Tiro upang tingnan ang mga bayan na ibinigay sa kanya ni Solomon, hindi siya nasiyahan dito.

¹³Sinabi niya kay Solomon, “Aking kapatid, anong klaseng mga bayan itong ibinigay mo sa akin?” Tinawag ni Hiram ang lupaing iyon na Cabul, at ganito pa rin ang tawag dito hanggang ngayon.[#9:13 : Maaaring ang ibig sabihin nito sa Hebreo, walang halaga.]

¹⁴Gayunpaman, nagpadala si Hiram kay Haring Solomon ng limang toneladang ginto.

¹⁵Ito ang salaysay tungkol sa sapilitang pagpapatrabaho ni Haring Solomon sa mga tao upang maipatayo ang Templo ng Panginoon at ang kanyang palasyo, sa pagpapatibay ng lupain sa bandang silangan ng lungsod, sa pagpapatibay ng pader ng Jerusalem, at sa pagpapatayong muli ng mga lungsod ng Hazor, Megido at Gezer.

¹⁶(Nilusob ang Gezer at inagaw ito ng Faraon na hari ng Ehipto. Sinunog niya ito at pinagpapatay ang mga naninirahan dito na mga Cananeo. Ibinigay niya ang lungsod na ito sa kanyang anak na babae bilang regalo sa kasal nito kay Solomon.

¹⁷At ipinatayong muli ni Solomon ang Gezer.) Ipinatayo rin niya ang ibabang bahagi ng Bet-horon,

¹⁸ang Baalat, ang Tadmor na nasa disyerto na sakop ng kanyang lupain,[#9:18 : O Tamar.]

¹⁹at ang lahat ng lungsod na imbakan ng kanyang mga pangangailangan, at mga karwahe at mga kabayo. Ipinatayo niya ang lahat ng ninanais niyang ipatayo sa Jerusalem, sa Lebanon at sa lahat ng lupaing nasasakupan niya.

^20-21May mga tao pang naiwan sa Israel na hindi mga Israelita. Sila ay mga lahi ng mga Amoreo, Heteo, Perezeo, Heveo at mga Jebuseo, na hindi nalipol nang lubusan ng mga Israelita nang sakupin nila ang lupain ng Canaan. Ginawa silang alipin ni Solomon at pinilit na magtrabaho, at nananatili silang alipin hanggang ngayon.

²²Ngunit hindi ginawang alipin ni Solomon ang sinumang Israelita. Sa halip, ginawa niya silang kanyang mga sundalo, mga opisyal, mga kapitan ng mga sundalo, mga kumander ng kanyang mga mangangarwahe at mga mangangabayo.

²³Ang 550 sa kanila ay ginawa ni Solomon na mga opisyal na mamamahala sa mga manggagawa ng kanyang mga proyekto.

²⁴Nang matapos na ang palasyo na ipinagawa ni Solomon para sa kanyang asawa, na anak ng Faraon, inilipat niya ang kanyang asawa roon mula sa Lungsod ni David. Pagkatapos, pinatambakan niya ng lupa ang mababang bahagi ng lungsod.

²⁵Tatlong beses sa bawat taon, nag-aalay si Solomon ng mga handog na sinusunog at mga handog pangkapayapaan doon sa altar na ipinagawa niya para sa Panginoon . Nagsusunog din siya ng mga insenso sa presensya ng Panginoon . Kaya natapos ni Solomon ang pagpapatayo ng Templo.

²⁶Nagpagawa rin si Haring Solomon ng mga barko sa Ezion-geber, malapit sa Elat na sakop ng Edom, sa baybayin ng Dagat na Pula.[#9:26 : Ito ang nasa tekstong Griego. Sa Hebreo, Elot.]

²⁷Nagpadala si Hiram ng mga bihasang mandaragat, kasama ng mga tauhan ni Solomon.

²⁸Naglakbay sila kasama ng mga tauhan ni Solomon papuntang Ofir. At sa pagbalik nila, may dala silang 16 toneladang ginto, at dinala nila ito kay Haring Solomon.