Mga Bilang 20

Ang Tubig Mula sa Bato

¹Sa unang buwan ng taon, dumating ang lahat ng mga mamamayan ng Israel sa ilang ng Zin, at nagkampo sila sa Kades. Doon namatay si Miriam at inilibing.

²Walang tubig doon, kaya nagkaisa na naman ang mga tao laban kina Moises at Aaron.

³Nakipagtalo sila kay Moises at sinabi, “Mabuti pang namatay na lang kami kasama ng mga kababayan naming namatay noon sa presensya ng Panginoon .

⁴Bakit mo dinala ang mga mamamayan ng Panginoon dito sa disyerto? Para ba mamatay kami kasama ng aming mga alagang hayop?

⁵Bakit ba pinalabas mo pa kami sa Ehipto at dinala dito sa walang kuwentang lugar na kahit trigo, igos, ubas o pomegranata ay wala? At walang tubig na maiinom!”

⁶Kaya iniwan nina Moises at Aaron ang mga mamamayan, at nagpunta sila sa Toldang Tipanan at nagpatirapa sila. Pagkatapos, nagpakita sa kanila ang makapangyarihang kaluwalhatian ng Panginoon .

⁷Sinabi ng Panginoon kay Moises,

⁸“Kunin mo ang iyong tungkod at tipunin ninyo ni Aaron ang lahat ng mga mamamayan. At habang nakatingin sila, utusan mo ang bato na maglabas ng tubig, at magpapaagos ito ng tubig. Sa pamamagitan nito, mabibigyan ninyo ng tubig ang mamamayan para makainom sila at ang kanilang mga hayop.”

⁹Kaya kinuha ni Moises ang tungkod sa harapan ng Panginoon , doon sa may Toldang Tipanan, ayon sa iniutos ng Panginoon sa kanya.

¹⁰Pagkatapos, tinipon nina Aaron ang lahat ng mga mamamayan sa harapan ng bato, at sinabi ni Moises sa kanila, “Makinig kayong mga suwail, dapat ba namin kayong bigyan ng tubig mula sa batong ito?”

¹¹Pagkatapos, itinaas ni Moises ang kanyang baston, pinalo ng dalawang beses ang bato, at bumulwak ang tubig mula dito, at uminom ang lahat ng mga mamamayan at ang kanilang mga hayop.

¹²Ngunit sinabi ng Panginoon kina Moises at Aaron, “Dahil sa hindi kayo naniwala sa akin na ipapakita ko sa inyo ang aking kabanalan sa harap ng mga Israelita, hindi kayo ang mamumuno sa pagdadala ng mga mamamayang ito sa lupaing ibibigay ko sa kanila.”

¹³Ang lugar na ito ay tinatawag na Meriba dahil nakipagtalo ang mga Israelita sa Panginoon sa lugar na ito, at dito rin ipinakita ng Panginoon ang kanyang kabanalan.[#20:13 : Ang ibig sabihin sa, pagtatalo.]

Hindi Pinadaan ng mga taga-Edom ang mga Israelita

¹⁴Habang naroon pa ang mga Israelita sa Kades, nagsugo si Moises ng mga mensahero sa hari ng Edom na nagsasabi,

¹⁸Ngunit ito ang sagot ng hari ng Edom:

¹⁹Sumagot ang mga Israelita:

²⁰Sumagot muli ang hari ng Edom,

Pagkatapos, tinipon ng hari ng Edom ang kanyang malalakas na sundalo para makipaglaban sa mga Israelita.

²¹Dahil ayaw magpadaan ng mga taga-Edom sa kanilang teritoryo, humanap na lang ang mga Israelita ng ibang madaraanan.

Namatay si Aaron

²²Umalis ang lahat ng mamamayan ng Israel sa Kades, at pumunta sa Bundok ng Hor.

²³Doon sa Bundok ng Hor, malapit sa hangganan ng Edom, sinabi ng Panginoon kina Moises at Aaron,

²⁴“Dumating na ang panahon Aaron na isasama ka na sa piling ng mga yumao mong ninuno. Hindi ka makakapasok sa lupaing ibibigay ko sa mga Israelita dahil sumuway kayong dalawa ni Moises sa aking utos doon sa bukal ng Meriba.

²⁵Ngayon, Moises, dalhin mo si Aaron at ang anak niyang si Eleazar sa Bundok ng Hor.

²⁶Pagkatapos, hubaran mo si Aaron ng kanyang damit pampari at ipasuot ito sa anak niyang si Eleazar, dahil mamamatay si Aaron doon sa bundok at isasama na sa piling ng mga yumao niyang ninuno.”

²⁷Sinunod ni Moises ang iniutos sa kanya ng Panginoon . Umakyat sila sa Bundok ng Hor, habang nakatingin ang lahat ng mga mamamayan.

²⁸Pagkatapos, hinubad ni Moises ang damit pampari ni Aaron, at ipinasuot niya ito kay Eleazar. At namatay si Aaron doon sa itaas ng bundok. Pagkatapos, bumaba sila Moises at Eleazar mula sa bundok.

²⁹Nang malaman ng lahat ng mga mamamayan na patay na si Aaron, nagluksa ang buong sambayanan ng Israel para sa kanya sa loob ng tatlumpung araw.