Kawikaan 30

Ang mga Kawikaan ni Agur

¹Ito ang mga kawikaan at pahayag ni Agur na anak ni Jakeh.

Sinabi niya:

“Panginoon , ako po ay pagod.

Pagod na pagod na po ako

at hinang-hina na.

²Ako ang pinakamangmang

sa lahat ng tao.

Ang isip koʼy

parang hindi sa tao.

³Hindi ko natutunan ang karunungan,

at hindi ko nakamtan ang katalinuhan

ng Nag-iisang Banal.

⁴May tao bang nakaakyat na sa langit

at bumaba sa mundo?

May tao bang nakadakot ng hangin

sa kanyang mga kamay

o kaya ay nakabalot ng tubig

sa kanyang damit?

May tao bang nakapaglagay

ng hangganan sa mundo?

Kung may kilala ka,

sabihin mo sa akin

ang kanyang pangalan

at ang pangalan ng kanyang anak.

⁵Ang bawat salita ng Diyos

ay tunay na mapagkakatiwalaan.

Siya ay tulad ng panangga

sa mga umaasa ng kanyang pag-iingat.

⁶Huwag mong dadagdagan

ang kanyang mga salita,

dahil kung gagawin mo ito,

sasawayin ka niya

at ipapakita na ikaw ay sinungaling.”

⁷Panginoon , may dalawang bagay

akong hihilingin sa inyo.

Kung maaari ibigay nʼyo ito sa akin

bago ako mamatay.

⁸Una, ilayo ninyo ako

sa kasinungalingan at kabulaanan.

Pangalawa, huwag ninyo akong

gawing mayaman o mahirap,

sa halip bigyan lamang ninyo ako

ng pagkain na aking kakailanganin.

⁹Dahil kung yumaman ako,

baka sabihin kong hindi ko na kailangan

ang Panginoon ;

at kung ako naman ay maghirap,

baka matuto akong magnakaw

at mailagay ko kayo sa kahihiyan.

Mga Karagdagang Kawikaan

¹⁰Huwag mong sisiraan ang katulong

sa harap ng kanyang amo,

baka isumpa ka niya at magdusa ka.

¹¹May mga sumusumpa sa kanilang mga ama

at hindi pinagpapala ang kanilang mga ina.

¹²May mga malilinis ang turing sa sarili,

subalit hindi sila nalilinis

sa kanilang karumihan.

¹³May mga taong mapagmataas

na kung tumingin akala mo kung sino.

¹⁴May mga tao namang sakim at napakalupit,

pati mahihirap ay kanilang ginigipit.

¹⁵“Ang mga taong sakim

ay parang linta.

Ang laging sinasabi ay,

‘Bigyan mo ako!’

“May tatlong bagay na hindi nakokontento,

apat na hindi nagsasabi ng ‘Tama na!’:

¹⁷“Ang anak na kumukutya

at sumusuway sa kanyang magulang

ay tutukain ng uwak sa mga mata,

at kakainin ng mga agila

ang bangkay niya.

¹⁸“May tatlong bagay na para sa akin ay kamangha-mangha,

apat na hindi ko maunawaan:

²⁰“Ganito ang ginagawa ng babaeng

nagtataksil sa kanyang asawa:

Sumisiping siya sa ibang lalaki

pagkatapos sasabihin niya,

‘Wala akong ginagawang masama.’

²¹“May tatlong bagay na sa daigdig ay yumayanig,

apat na bagay na hindi nito matitiis,

²⁴“Dito sa lupa ay may apat na nilalang,

na salat sa laki ngunit pambihira

ang katalinuhan:

²⁹“May apat na nilalang na akala mo kung sino

kapag lumakad:

³²“Kung sa kahangalan moʼy

nagmamayabang ka

at nagbabalak ng masama,

tigilan mo na iyan!

³³Hindi ba kapag hinalo nang hinalo

ang malapot na gatas

ay magiging mantikilya?

Hindi ba kapag sinuntok mo

ang ilong ng isang tao

ay magdurugo ito?

Kaya kapag ginalit mo ang tao

tiyak na magkakaroon ng gulo.”