1 Wakorinto 1

Anwani.

¹Mimi Paulo niliyeitwa kuwa mtume wa Kristo Yesu kwa hayo, Mungu ayatakayo, na ndugu Sostene[#1 Kor. 6:11; Tume. 9:14.]

²tunawaandikia ninyi wateule wa Mungu mlioko Korinto; mlitakaswa na Kristo Yesu, mkaitwa kuwa watakatifu pamoja na wote wanaolitambikia Jina la Bwana wetu Yesu Kristo ko kote, huko kwao nako huku kwetu.

³Upole uwakalie na utengemano unaotoka kwa Mungu, Baba yetu, na kwa Bwana Yesu Kristo![#Rom. 1:7.]

⁴*Nayavumisha siku zote mema yake Mungu, aliyowagawia ninyi, mwe katika Kristo Yesu.

⁵Kwa hivyo, mnavyomkalia, mwazipata mali zote zilizomo katika ufundisho na katika utambuzi wote;

⁶nao ushuhuda wa Kristo ukapata nguvu kwenu.

⁷Kwa sababu hii hakuna gawio, mnalolikosa mkiwa mnangoja, Bwana wetu Yesu Kristo atokee waziwazi.[#Tit. 2:13.]

⁸Yeye ndiye atakayewatia nguvu mpaka mwisho, mpate kutokea siku ile ya Bwana wetu Yesu Kristo mkiwa hamnayo ya kuwakamia.[#Fil. 1:6,10; 1 Tes. 3:13; 5:3.]

⁹Mungu ni mwelekevu aliyewaita kuwa wenziwe Mwana wake Yesu Kristo aliye Bwana wetu.*[#1 Tes. 5:24.]

Magomvi ya Wakorinto.

¹⁰Lakini nawaonya, ndugu, kwa ajili ya Jina la Bwana wetu Yesu Kristo, wote mseme mamoja, kwenu kusiwe na matengano, ila nguvu yenu iwe ile ya kutenda moyo mmoja na kutambua neno moja tu.[#Fil. 2; 3:6.]

¹¹Kwani ndugu zangu, nimeambiwa mambo yenu na wale wa Kloe, ya kuwa kwenu yako magomvi.

¹²Nalisema lile la kwamba: Kwenu kila mmoja husema: Mimi wa Paulo! au: Mimi wa Apolo! au: Mimi wa Kefa! au: Mimi wa Kristo! Je?[#1 Kor. 3; Yoh. 1:2; Tume. 18:24,27.]

¹³Kristo amegawanyika? Au ni Paulo aliyewambwa msalabani kwa ajili yenu? Au mmebatiziwa jila la Paulo?

¹⁴Namshukuru Mungu, ya kuwa sikubatiza mtu kwenu ila Krispo na Gayo,[#Tume. 18; Rom. 16:23.]

¹⁵maana mtu asiseme: Mmebatiziwa jina langu mimi.

¹⁶Kweli naliwabatiza nao wa nyumbani mwa Stefana. Tena sijui, kama yuko mwingine, niliyembatiza.[#1 Kor. 16:5,17.]

¹⁷Kwani Kristo hakunituma kubatiza, ila amenituma kuipiga hiyo mbiu njema, lakini si kwa maneno ya ujuzi wa kimtu, msalaba wake Kristo usitenguliwe.[#1 Kor. 2:4; Mat. 28:9; 28:19; Yoh. 4:2.]

Mbiu ya msalaba.

¹⁸Kwani neno la kuwambwa msalabani ndilo la upuzi kwao wanaoangamia, lakini kwetu sisi tunaookolewa ndilo la nguvu ya Mungu.[#Rom. 1:16; 2 Kor. 4:3.]

¹⁹Kwani imendikwa:

Nitauangamiza werevu wao walio werevu wa kweli

nao utambuzi wao watambuzi.

²⁰Yuko wapi aliye mwerevu wa kweli? Yuko wapi aliye mwandishi? Yuko wapi aliye mbishi wa siku hizi? Je? Mungu hakuupumbaza werevu wa ulimwengu huu?[#Iy. 12:17.]

²¹*Kwani kwa huo werevu wake ulimwengu huu haukumtambua Mungu na werevu wake wa Kimungu ulio wa kweli; kwa hiyo Mungu amependezwa kuwaokoa wenye kumtegemea akiwatangazia mapumbavupumbavu.[#Mat. 11:25.]

²²Kwani Wayuda hutaka vielekezo, nao Wagriki hutafuta werevu ulio wa kweli.[#Mat. 12:38; Yoh. 4:48; Tume. 17:18,32.]

²³Lakini sisi twamtangaza Kristo, alivyowambwa msalabani; ndipo, Wayuda wajikwaliapo, tena ndipo, wamizimu waoneapo mapumbavu tu.[#1 Kor. 2:14; Rom. 9:32; Gal. 5:11; 6:12.]

²⁴Lakini wale walioitwa, Wayuda na Wagriki, kwao twamtangaza Kristo kwamba: Ni nguvu ya Mungu, tena: Ni werevu wa Mungu ulio wa kweli.[#1 Kor. 1:18; Kol. 2:3.]

²⁵Kwani yaliyo mapumbavu ya Mungu ndiyo yenye werevu wa kweli kuupita wa watu, nayo yaliyo manyonge ya Mungu ndiyo yenye nguvu kuzipita za watu.

²⁶Kwani utazameni, ndugu, wito wenu! Hakuna wengi walio werevu wa kimtu; hakuna wengi walio wenye nguvu; hakuna wengi walio wenye macheo.[#Mat. 11:25; Yoh. 7:48; Yak. 2:1-5.]

²⁷Lakini walio wapumbavu wa ulimwengu huu ndio, Mungu aliowachagua, awatweze walio werevu wa kweli. Tena walio wanyonge wa ulimwengu huu ndio, Mungu aliowachagua, awatweze wenye nguvu.

²⁸Tena walio wakiwa wa ulimwengu huu nao waliobezwa ndio, Mungu aliowachagua, hata wasiowaziwa kuwa watu, awaumbue wanaotukuzwa kwamba: Ni watu,[#Luk. 1:52-53.]

²⁹kusudi mbele ya Mungu mwenye mwili wa kimtu asijivune, hata mmoja.[#Rom. 3:27; Ef. 2:9.]

³⁰Kwake yeye ndio, mlikotoka ninyi mliomo mwake Kristo Yesu. Huyu ndiye werevu wetu wa Kimungu ulio wa kweli, na wongufu na utakasi na ukombozi.[#Yer. 23:5-6; Mat. 20:28; Yoh. 17:19; 2 Kor. 5:21.]

³¹Basi, iwe, kama ilivyoandikwa:

Mwenye kujivuna na ajivunie kuwa wa Bwana!*