1 Wakorinto 10

Jinsi wakale walivyokaa jangwani.

¹*Ndugu, sitaki, ninyi mkose kujua, ya kuwa baba zetu wote walikwenda wakifunikwa na wingu, nao wote walipita baharini.[#2 Mose 13:21; 14:22.]

²Wote wakabatiziwa Mose walipokuwa winguni na baharini.

³Tena chakula cha Kiroho, walichokila wote, ni kile kimoja;[#2 Mose 16:4,35; 5 Mose 8:3.]

⁴nacho kinywaji cha Kiroho, walichokinywa wote, ni kile kimoja. Maana walikunywa maji yaliyotoka katika mwamba wa Kiroho uliofuatana nao; nao mwamba huo ni Kristo.[#2 Mose 17:6.]

⁵Lakini wale wengi Mungu hakupendezwa nao, kwa hiyo walilazwa jangwani.[#4 Mose 14:23,36.]

⁶Hayo yalifanyika, tujifunzie mumo humo, sisi tusitende tamaa ya maovu, kama wale walivyokuwa na tamaa.[#4 Mose 11:4,34.]

⁷Wala msitambikie kinyago kama wengine wao! Kama ilivyoandikwa:

Watu walikalia kula na kunywa,

kisha wakainukia kucheza.

⁸Tena tusifanye ugoni, kama wengine wao walivyoufanya, wakauawa siku moja watu 23000.[#4 Mose 25:1,9.]

⁹Wala tusimjaribu Bwana, kama wengine wao walivyomjaribu, wakaangamizwa na nyoka.[#4 Mose 21:4-6.]

¹⁰Wala msinung'unike, kama wengine wao walivyonung'unika, wakaangamizwa na mwangamizaji.[#4 Mose 14:2,36; Ebr. 3:11,17.]

¹¹Lakini hayo yote yaliwapata, tujifunzie mumo humo, yakaandikiwa kutuonya sisi tuliofika penye mwisho wa siku.

¹²Kwa hiyo: ajiwaziaye kwamba amesimama, aangalie, asianguke!

¹³Hamjaingiwa bado na jaribu lo lote linaloipita nguvu ya mtu. Lakini Mungu ni mwelekevu; hatawaacha ninyi, mjaribiwe na mambo yaupitayo uwezo wenu; lakini hapo, mtakapojaribiwa, atawapatia mzungu, mweze kuvumilia.*

Kinyweo na mkate.

¹⁴Kwa hiyo, wenzangu wapendwa, yakimbieni matambiko ya mizimu![#1 Yoh. 5:21.]

¹⁵Nasema nanyi, kwa kuwa m wenye akili; yatambueni ninyi, niyasemayo!

¹⁶Kinyweo chenye mbaraka, tukibarikicho, hakitupatii bia ya damu yake Kristo? Mkate, tuumegao, hautupatii bia ya mwili wake Kristo?[#1 Kor. 11:23-25; Mat. 26:27; Tume. 2:42.]

¹⁷Kwa sababu mkate ni mmoja, nasi tulio wengi tu mwili mmoja, maana sote twagawiwa huo mkate mmoja.*[#1 Kor. 12:27; Rom. 12:5.]

¹⁸Mwatazame walio Waisiraeli kwa kuzaliwa! Wenye kuzila nyama za tambiko sio wenye bia ya meza ya kutambikia?[#3 Mose 7:6,15.]

¹⁹Basi, nisemeje? Niseme: Nyama ya tambiko ni kitu? Au niseme: Mizimu ni kitu?[#1 Kor. 8:4.]

²⁰Siyo, maana wamizimu waitambikia mizimu yao, hawamtambikii Mungu. Nami sitaki, ninyi mwe wenye bia na mizimu.[#3 Mose 17:7; 5 Mose 32:17; Sh. 106:37; Ufu. 9:20.]

²¹Hamwezi kukinywa kinyweo cha Bwana nacho kinyweo cha mizimu; hamwezi kula mezani pa Bwana na mezani pa mizimu.

²²Au tumchokoze Bwana? Sisi tuko na nguvu kumshinda yeye?[#2 Kor. 6:15-16.]

Visivyofaa navyo vifaavyo.

²³Hakuna cho chote chenye mwiko, lakini sivyo vyote vifaavyo; hakuna cho chote chenye mwiko, lakini sivyo vyote vijengavyo.[#1 Kor. 6:12.]

²⁴Pasiwe na mtu mwenye kuyatafuta yaliyo yake, sharti ayatafute yaliyo ya mwenziwe![#1 Kor. 10:33; Rom. 15:2.]

²⁵Vyote vinavyouzwa sokoni vileni pasipo kuuliza vitokapo, mioyo isilemewe![#Rom. 14:2-10,22.]

²⁶Kwani nchi hii ni yake Bwana navyo vyote vilivyomo.[#Sh. 24:1.]

²⁷Mtu asiyemtegemea Mungu akiwaalika, nanyi mkitaka kwenda, basi, vyote mnavyoandaliwa vileni pasipo kuuliza vitokapo mioyo isilemewe!

²⁸Lakini akiwaambia: Hii ni nyama ya tambiko, msiile kwa ajili yake yeye aliyewajulisha, tena kwa ajili ya mioyo isiyojua maana, isilemewe![#1 Kor. 8:7.]

²⁹Sisemi hapa moyo wako unaojua maana, ila wa yule mwingine. Maana visivyo vya mwiko kwangu, vitaumbuliwaje na moyo wa mwingine asiye hivyo?

³⁰Mimi ninapovila kwa kugawiwa, ninabezwaje kwa vile, ninavyovipokea kwa Mungu?[#1 Tim. 4:4.]

³¹Basi, mkila au mkinywa au mkifanya lo lote jingine, yafanyeni yote, yamtukuze Mungu![#Kol. 3:17.]

³²Jiangalieni, msiwakwaze Wayuda wala Wagriki wala wateule wake Mungu![#Rom. 14:13.]

³³Kama nami, nawapendeza wote kwa mambo yote, maana siyatafuti yanifaliayo mimi mwenyewe, ila yawafaliayo wale wengi, wapate kuokoka.[#1 Kor. 9:20-22.]