1 Wakorinto 11

¹Niigeni mimi, kama nami ninavyomwiga Kristo![#1 Kor. 4:16; Fil. 3:17.]

Jinsi inavyowapasa waume na wake kuomba.

²Nawasifu ninyi, ya kuwa mnanikumbuka po pote, mkashikamana nayo maagizo yangu, kama nilivyowaagiza.

³Lakini nataka, mjue, ya kuwa kichwa cha kila mume ni Kristo, nacho kichwa cha mke ni mume, nacho kichwa cha Kristo ni Mungu.[#1 Kor. 3:23; Ef. 5:23.]

⁴Kila mume akiomba au akifumbua Neno na kuvaa kichwani, hukipatia kichwa chake soni.[#1 Kor. 12:10; 14:1.]

⁵Lakini kila mke akiomba au akifumbua Neno pasipo kuvaa kichwani, hukipatia kichwa chake soni, maana hujifananisha kuwa mamoja, kama wenye kunyolewa walivyo.

⁶Maana mke asipovaa kichwani, naye akatwe nywele! Lakini mke akiona soni ya kukatwa nyuwele au kunyolewa avae kichwani!

⁷Maana mume haimpasi kuvaa kichwani, kwani yeye ubwana wake hufanana nao wake Mungu; lakini mke ubwana wake ndio uleule wa mume.[#1 Mose 1:27.]

⁸Maana walipoumbwa, mume hakutoka katika mke, ila mke alitoka katika mume.[#1 Mose 2:22-23.]

⁹Tena mume hakuumbwa kwa ajili ya mke, ila mke aliumbwa kwa ajili ya mume.[#1 Mose 2:18.]

¹⁰Kwa hiyo imempasa mke kushurutishwa kuvaa kichwani kwa ajili ya malaika.

¹¹Kisha wakiwa wa Bwana, hakuna, mke anachokuwa pasipo mume, wala hakuna, mume anachokuwa pasipo mke.

¹²Kwani kama mke atokavyo katika mume, vivyo hivyo hata mume huzaliwa na mke; lakini yote hutoka kwake Mungu.

¹³Yapambanueni ninyi kwa ninyi, kama inampasa mke kuomba mbele ya Mungu pasipo kuvaa kichwani!

¹⁴Navyo mlivyoumbwa haviwafundishi, ya kuwa mume haimpasi kamwe kuwa na nywele ndefu?

¹⁵Lakini mke akiwa na nywele ndefu, ni pambo lake zuri. Maana amepewa nywele ndefu, ziwe mavazi yake.

¹⁶Lakini kama yuko anayependa mabisho, basi, mazoea kama hayo hayako wala kwetu wala po pote palipo na wateule wa Mungu.

Chakula cha Bwana.

¹⁷Lakini liko neno, sharti niliseme waziwazi, silisifu, ni hili: Hamkutanii mema, ila mabaya.[#1 Kor. 11:22.]

¹⁸Kwani kwanza nasikia, ya kuwa hapo, mnapokutania wateule na wateule, yako magawanyiko, nami menginemengine nayasadiki.[#1 Kor. 1:1-12; 3:3.]

¹⁹Kwani matengano hayana budi kuwa kwenu, kusudi walio wakweli kwenu waonekane.[#5 Mose 13:3; Mat. 18:7; 1 Yoh. 2:19.]

²⁰Ninyi mnapokutania pamoja, siko kukila Chakula cha Bwana.

²¹Kwani mnapokula, kila mmoja huanza kunyang'anya chakula chake mwenyewe; kwa hiyo mwingine yuko na njaa, mwingine amelewa.[#Yuda 12.]

²²Je, hamna nyumba zenu za kuliamo na kunyweamo? Au mwawabeza wateule wake Mungu mkiwatia soni wasio na kitu? Niwaambieje? Niwasifu? La! Katika hayo siwasifu.[#Yak. 2:5-6.]

²³*Maana mimi nalipewa na Bwana, niliyowapa nanyi: Bwana Yesu usiku ule, alipotolewa, akatwaa mkate,[#Mat. 26:26-28; Mar. 14:22-24; Luk. 22:19-20.]

²⁴akashukuru, akaumega, akasema: Twaeni, mle! Huu ndio mwili wangu unaotolewa kwa ajili yenu. Fanyizeni hivyo, mnikumbuke!

²⁵Vivyo hivyo akakitwaa nacho kinyweo, walipokwisha kula, akisema: Kinyweo hiki ndicho Agano Jipya katika damu yangu. Fanyizeni hivyo, kila mtakapokinywea, mnikumbuke!

²⁶Kwani kila mnapoula mkate huu, mkakinywea nacho kinyweo hiki, kutangazeni kufa kwake Bwana, mpaka atakapokuja![#Mat. 26:29.]

Kujichunguza mwenyewe.

²⁷Kwa hiyo kila anayejilia tu mkate huo na kujinywea tu kinhweo cha Bwana atajionea mapatilizo ya mwili na damu ya Bwana.[#1 Kor. 11:21-22; Ebr. 6:6.]

²⁸Sharti mtu ajichunguze mwenyewe, kisha aule mkate huo, akinywee nacho kinyweo hicho![#Mat. 26:22; 2 Kor. 13:5.]

²⁹Maana mwenye kujilia na kujinywea tu hujilia mapatilizo, hujinywea mapatilizo, kwani haupambanui mwili wa Bwana.

³⁰Kwa hiyo kwenu wako wengi walio wanyonge na wagonjwa, nao waliolala si wachache.[#1 Kor. 15:20.]

³¹Lakini tunapojichunguza wenyewe hatutapatilizwa.

³²Ila tukipatilizwa na Bwana tunaonywa, tusije kuhukumiwa pamoja nao wa ulimwengu huu.*[#Ebr. 12:5-6.]

³³Kwa hiyo, ndugu zangu, mnapokutania kula, sharti mngojane!

³⁴Mtu akiwa na njaa ale mwake, kwamba msikutanie mapatilizo! Nayo yaliyosalia nitayaagiza nitakapokuja.