1 Wakorinto 13

Upendo wa kweli ulivyo.

¹*Ijapo niseme misemo ya kimtu na ya kimalaika, nisipokuwa na upendo, ndimi upatu wenye milio au njuga yenye makelele.[#1 Kor. 14.]

²Ijapo niwe mwenye ufumbuaji, nikayajua mafumbo yote na utambuzi wote, hata nikawashinda wote kwa kumtegemea Mungu, nikaweza kuhamisha hata vilima, nisipokuwa na upendo, hakuna nilichokuwa.[#Mat. 7:22; 17:20.]

³Ijapo niwagawie maskini mali zangu zote, nikautoa nao mwili wangu, uunguzwe na moto, nisipokuwa na upendo, hakuna nifaacho.[#Mat. 6:2.]

⁴Upendo ni wenye uvumilivu na upole; upendo haujui wivu. Upendo haujikwezi, wala haujivuni;

⁵haukwazi, wala hauyatafuti yaliyo yake, wala hauchukiziki, wala hauyahesabu maovu.[#Mat. 18:21-22; Fil. 2:4,21.]

⁶Hauyafurahii mapotovu, ila huyafurahia yaliyo ya kweli.[#Rom. 12:9.]

⁷Hujitwika yote, huyategemea yote, huyangojea yote, huyavumilia yote.[#Fano. 10:12; Rom. 15:1.]

⁸Hapana, upendo unapokomea; kama ni ufumbuaji, utakoma; kama ni misemo, itanyamaza; kama ni utambuzi, utakoma.

⁹Kwani tunayoyatambua, ni fungu tu; nayo tunayoyafumbua, ni fungu tu;

¹⁰lakini matimilifu yatakapokuja, yale ya kifungufungu yatakoma.

¹¹Nilipokuwa mtoto nalisema kitoto, nikayajua ya kitoto, nikayawaza ya kitoto. Lakini hapo nilipokuwa mtu mzima nimeyaacha yale ya kitoto.

¹²Maana sasa tunafanana kama tunaona mfano tu wa yale yasiyofumbuka bado; lakini siku ile tutayaona macho kwa macho. Sasa nayatambua fungu tu, lakini siku ile nitayatambua, kama nitakavyokuwa nimetambulika.[#4 Mose 12:8; 2 Kor. 5:7.]

¹³Sasa kusikokoma ndiko kumtegemea Mungu na kumngojea na kupenda, huku kutatu. Lakini kuliko kukubwa kukupita kwingine ndiko kupenda.*[#1 Tes. 1:3; 1 Yoh. 4:16.]