1 Wakorinto 16

Kuchanga vipaji.

¹Lakini kwa ajili ya mchango, watakatifu wanaochangiliwa, fanyeni nanyi, kama nilivyowaagiza wateule wa Galatia![#Tume. 11:20; 2 Kor. 8:9; Gal. 2:10.]

²Kila siku ya kwanza ya juma kila mmoja wenu na aweke kwake na kuyalimbika yapatanayo na mapato yake, kisha ayachanganye yote, maana machango yasianzwe hapo, nitakapofika![#Tume. 20:7.]

³Lakini ndipo nifike, wale, mtakaowachagua ninyi, nitawatuma na barua, wavipeleke vipaji vyenu Yerusalemu.

⁴Lakini vikiwa vingi vya kupasa, niende nami, watakwenda pamoja nami.

Paulo anataka kufika Korinto.

⁵Lakini nitafika kwenu, nitakapokwisha kupita huko Makedonia. Kwani Makedonia nitapita tu;[#Tume. 19:21.]

⁶lakini kwenu, kama vinapatikana, nitakaa, labda nitamaliza kwenu siku za kipupwe, ninyi mpate kunisindikiza huko nitakakokwenda[#Rom. 15:24.]

⁷Kwani sasa sitaki kuonana nanyi kwa kupita tu; kwani nangojea, nikae kwenu kitambo cha siku, Bwana akipenda.[#Tume. 18:21; 20:2.]

⁸Lakini huku Efeso nitakaa mpaka sikukuu ya Pentekote.[#Tume. 19:1,8-10.]

⁹Kwani nimefunguliwa mlango mkubwa, tena kazi inaendelea, ijapo wabishi wawe wengi.[#2 Kor. 2:12; Kol. 4:3; Ufu. 3:8.]

Timoteo na Apolo.

¹⁰Lakini Timoteo atakapofika, mmtazame, akae kwenu pasipo woga! Kwani naye anaifanya kazi ya Bwana kama mimi.[#1 Kor. 4:17; Fil. 2:20.]

¹¹Pasiwe anayembeza! Ila msindikizeni na kupatana, afike kwangu! Kwani tunamngojea mimi na ndugu.[#1 Kor. 16:6; 1 Tim. 4:12.]

¹²Lakini kwa ajili ya ndugu yetu Apolo mjue, ya kuwa nimemhimiza mara kwa mara, aje kwenu pamoja na hao ndugu; lakini hakutaka kabisa kwenda sasa. Lakini atakuja, patakapomfalia.[#1 Kor. 1:12.]

Stefana.

¹³Kesheni! Kukalieni kumtegemea Bwana, mwe waume wenye nguvu![#Ef. 6:10.]

¹⁴Mambo yenu yote yafanywe katika upendano!

¹⁵Ndugu, nitakalo tena, ni hili: mwawajua akina Stefana, ya kuwa ndio malimbuko ya nchi ya Akea, tena wamejitoa wenyewe, waje wawatumikie watakatifu.[#1 Kor. 1:16; Rom. 16:3.]

¹⁶Kwa hiyo nanyi mwatii walio hivyo na kila aliye mwenzao wa kazi na wa masumbuko![#Fil. 2:29.]

¹⁷Nimefurahiwa na kuja kwake Stefana na Fortunato na Akaiko, kwani ndio walionifanyizia, ambavyo ninyi hamkuweza kunifanyizia.

¹⁸Kwani wameituliza roho yangu nazo roho zenu. Basi, watambueni walio hivyo![#1 Tes. 5:12.]

Salamu.

¹⁹Wateule wote walioko Asia wanawasalimu. Akila na Puriskila pamoja nao wote wanaokusanyika nyumbani mwao wanawasalimu sana, kwa kuwa m wa Bwana.[#Tume. 18:2,18,26; Rom. 16:3-5.]

²⁰Nao ndugu wote wanawasalimu. Mwamkiane mkinoneana, kama watakatifu walivyozoea![#Rom. 16:16; 2 Kor. 13:12; 1 Petr. 5:14.]

²¹Hii salamu yangu mimi Paulo naiandika kwa mkono wangu.[#Kol. 4:18; 2 Tes. 3:17.]

²²Mtu asiyempenda Bwana na awe ameapizwa! Bwana anakuja.[#Gal. 1:8-9.]

²³Upole wa Bwana Yesu uwakalie ninyi![#Ufu. 22:20.]

²⁴Upendo wangu wa kuwapenda ninyi, kwa kuwa m wake Yesu Kristo, uwakalie ninyi nyote! Amin.