Amosi 4

Mapatilizo yao wanawake wa Waisiraeli wote.

¹Lisikieni neno hili, ninyi ng'ombe wa Basani!

Ninyi mlioko milimani kwa Samaria

mkiwakorofisha wanyonge na kuwaponda maskini!

Ninyi mnaowaambia bwana zao: Haya! Leteni, tunywe!

²Bwana Mungu ameapa na kuutaja utukufu wake kwamba:

Mtaona, siku zikiwajia ninyi,

mtakapovutwa juu kwa kulabu,

hata masazo yenu yatavutwa juu kwa ndoana za kuvulia

samaki.

³Mtatoka penye nyufa za ukuta,

kila mwanamke mmoja ashike njia yake ya kwenda moja kwa

moja,

mje kujitupa huko Harmoni; ndivyo, asemavyo Bwana.

⁴Haya! Nendeni Beteli, mjikoseshe!

Nendeni Gilgali, mzidishe kujikosesha!

Katoeni asubuhi vipaji vyenu vya tambiko!

Hata kila siku ya tatu yatoeni mafungu yenu ya kumi!

⁵Chomeni mikate yenye chachu, iwe shukrani!

Tangazeni, visikilike, watu watoe vipaji viwapendezavyo!

Kwani ndivyo, mnavyovipenda, ninyi wana wa Isiraeli;

ndivyo, asemavyo Bwana Mungu.

⁶Nami niliwapa meno yakosayo kazi mijini mwenu mote

nao ukosefu wa mkate pote, mnapokaa, lakini hamkurudi

kwangu;

ndivyo, asemavyo Bwana.

⁷Tena mimi niliwanyima mvua,

miezi mitatu tu ilipokuwa imesalia mpaka mavunoni,

mji mmoja nikaunyeshea mvua, tena mwingine sikuunyeshea

mvua,

shamba moja likanyeshewa na mvua, jingine lisilopata mvua likakauka.

⁸Miji miwili mitatu ikatangatanga kuendea mji mmoja tu,

ndimo wapate kunywa maji, ijapo wasishibe, lakini

hamkurudi kwangu;

ndivyo, asemavyo Bwana.

⁹Nikawapiga ninyi, nikayaunguza mashamba na kuyakausha

kabisa,

tena mara nyingi nzige waliyala kwenu

mashamba na mizabibu na mikuyu na michekele yenu,

lakini hamkurudi kwangu;

ndivyo, asemavyo Bwana.

¹⁰Nilituma kwenu magonjwa mabaya, kama nilivyovifanya huko

Misri,

nikawaua vijana wenu kwa panga, nao farasi wenu

wakatekwa.

Nikaupandisha mnuko mbaya wa kambi zenu, uingie puani

mwenu,

lakini hamkurudi kwangu;

ndivyo, asemavyo Bwana.

¹¹Niliwafudikiza wa kwenu, kama Mungu alivyofudikiza Sodomu

na Gomora,

mkawa kama kijinga kilichopona kwa kuokolewa,

kisiteketee chote motoni, lakini hamkurudi kwangu;

ndivyo, asemavyo Bwana.

¹²Kwa hiyo yako, nitakayokufanyizia Isiraeli;

jiweke tayari kukutana na Mungu wako, Isiraeli,

kwa ajili yao nitakayokufanyzia!

¹³Kwani utamwona atengenezaye milima, aumbaye upepo,

amwambiaye mtu ayawazayo moyoni mwake,

ni yeye ayageuzaye mapema kuwa giza

akipita na kukanyaga juu ya vilima vya nchi;

Bwana Mungu Mwenye vikosi ni Jina lake.