Wim 7

Maelezo ya Wasifu

¹Siti msharifu, jinsi zilivyo nzuri[#Zab 45:13]

Hatua zako katika mitalawanda.

Mapaja yako ya mviringo ni kama johari,

Kazi ya mikono ya fundi mstadi;

²Kitovu chako ni kama bilauri iliyoviringana,

Na isikose divai iliyochanganyika;

Tumbo lako ni mfano wa chungu ya ngano,

Iliyozungukwa na ugo wa nyinyoro;

³Maziwa yako mawili ni kama wana-paa wawili,[#Wim 4:5]

Ambao ni mapacha ya paa;

⁴Shingo yako ni kama huo mnara wa pembe;

Macho yako kama viziwa vya Heshboni,

Karibu na mlango wa Beth-rabi;

Pua yako ni kama mnara wa Lebanoni,

Unaoelekea Dameski;

⁵Kichwa chako juu yako ni kama Karmeli,

Na nywele za kichwa chako kama urujuani,

Mfalme amenaswa na mashungu yake.

⁶Jinsi yalivyo mazuri, yalivyo matamu,

Mapenzi katikati ya anasa!

⁷Kimo chako kimefanana na mtende,

Na maziwa yako na vichala.

⁸Nilisema, Nitapanda huo mtende,

Na kuyashika makuti yake.

Maziwa yako na yawe kama vichala vya mzabibu,

Na harufu ya pumzi yako kama mapera;

⁹Na kinywa chako kama divai iliyo bora,

Kwa mpendwa wangu inashuka taratibu,

Ikitiririka midomoni mwao walalao.

¹⁰Mimi ni wake mpendwa wangu,[#Wim 2:16; Gal 2:20; Zab 45:11]

Na shauku yake ni juu yangu.

¹¹Njoo, mpendwa wangu, twende mashambani,

Tufanye maskani katika vijiji.

¹²Twende mapema hata mashamba ya mizabibu,[#Wim 6:11; 4:16; Zab 63:3-8; 73:25]

Tuone kama mzabihu umechanua,

Na maua yake yamefunuka;

Kama mikomamanga imetoa maua;

Huko nitakupa pambaja zangu.

¹³Mitunguja hutoa harufu yake;[#Mwa 30:14; Wim 5:1; Mt 13:52; Yn 15:8]

Juu ya milango yetu yako matunda mazuri,

Mapya na ya kale, ya kila namna,

Niliyokuwekea, mpendwa wangu.