Mungu kinga yetu

¹“Kama Mwenyezi-Mungu asingalikuwa upande wetu…”

Semeni nyote mlio katika Israeli:

²“Kama Mwenyezi-Mungu asingalikuwa upande wetu,

wakati ule tuliposhambuliwa na maadui,

³hakika tungalimezwa tukiwa hai,

wakati hasira zao zilipotuwakia.

⁴Tungalikumbwa na gharika,

tungalifunikwa na mto wa maji,

⁵mkondo wa maji ungalituchukua!”

⁶Atukuzwe Mwenyezi-Mungu,

ambaye hakutuacha makuchani mwao.

⁷Tumeponyoka kama ndege mtegoni;

mtego umeteguliwa, nasi tukaokoka.

⁸Msaada wetu watoka kwa Mwenyezi-Mungu,

aliyeumba mbingu na dunia.