Kuomba nguvu mpya

¹Mwenyezi-Mungu alipoturekebisha na kuturudisha Siyoni,[#126:1 Maneno haya aghalabu yahusu Waisraeli waliporudi kutoka uhamishoni kule Babuloni.]

tulikuwa kama watu wanaoota ndoto!

²Hapo tuliangua kicheko;

tulishangilia kwa furaha.

Nao watu wa mataifa mengine walisema:

“Mwenyezi-Mungu amewatendea mambo makubwa!”

³Kweli Mwenyezi-Mungu alitutendea mambo makubwa,

tulifurahi kwelikweli!

⁴Ee Mwenyezi-Mungu, urekebishe tena hali yetu,

kama mvua inavyotiririsha maji katika mabonde makavu.

⁵Wanaopanda kwa machozi,

watavuna kwa shangwe.

⁶Wanaokwenda kupanda mbegu wakilia,

watarudi kwa furaha wakichukua mavuno.