Bila Mungu kazi ya binadamu haifai

¹Mwenyezi-Mungu asipoijenga nyumba,[#127:1 Kujenga nyumba kunaweza kuwa na maana ya nyumba ya kweli ya kuishi humo, au kunaweza kuwa na maana ya kuanzisha familia kama inavyosemwa katika aya 3 na 4.]

waijengao wanajisumbua bure.

Mwenyezi-Mungu asipoulinda mji,

waulindao wanakesha bure.

²Mnajisumbua bure kuamka mapema asubuhi

na kuchelewa kwenda kupumzika jioni,

mjipatie chakula kwa jasho lenu.

Mungu huwaruzuku walio wake hata walalapo.

³Watoto ni riziki kutoka kwa Mwenyezi-Mungu;[#127:3-5 Zamani, hasa katika Mashariki ya Kati ya Kale kuwa na watoto wengi ilikuwa ni baraka. Na watoto wengi (hapa ni watoto wa kiume) ilifikiriwa kwamba wazazi wangekuwa na misaada mingi na kutunzwa nyakati za uzeeni. Shughuli zote za maisha ya siku kwa siku: kazi, familia, mali n.k., zilikuwa na maana kwa vile zilihusiana na Mungu.]

watoto ni tuzo lake kwetu sisi.

⁴Watoto waliozaliwa wazazi wakiwa bado vijana,

ni kama mishale mikononi mwa askari.

⁵Heri mtu aliye na mishale hiyo kwa wingi.

Hatashindwa atakapokabiliana na adui mahakamani.