Kuomba msaada

¹Toka upeo wa unyonge wangu,

nakulilia, ee Mwenyezi-Mungu.

²Ee Bwana, sikia sauti yangu,

uitegee sikio sauti ya ombi langu.

³Kama, ee Mwenyezi-Mungu ungekumbuka maovu yetu[#130:3 Mwanazaburi anakiri na kuungama kwamba binadamu ni mwenye dhambi na ni kwa wema wa Mungu peke yake binadamu anaweza kusalimika.]

nani, ee Bwana, angeweza kusalimika?

⁴Lakini kwako twapata msamaha,

ili sisi tukuheshimu.

⁵Namtumainia Mwenyezi-Mungu kwa moyo wangu wote;

nina imani sana na neno lake.

⁶Ninamtumainia Mwenyezi-Mungu

kuliko walinzi wanavyongojea pambazuko;

kuliko walinzi wanavyongojea kuche asubuhi.

⁷Ee Israeli, umtumainie Mwenyezi-Mungu,

maana kwake Mwenyezi-Mungu kuna fadhili,

kwake kuna nguvu kubwa ya kutukomboa.

⁸Yeye atawakomboa watu wa Israeli

kutoka katika maovu yao yote.