Ombolezo ugenini

¹Kando ya mito ya Babuloni, tulikaa,[#137:1 Yaani mifereji na vijito vya mito ya Tigri na Eufrate.]

tukawa tunalia tulipokumbuka Siyoni.

²Katika miti ya nchi ile,

tulitundika zeze zetu.

³Waliotuteka walitutaka tuwaimbie;

watesi wetu walitutaka tuwafurahishe:

“Tuimbieni mojawapo ya nyimbo za Siyoni!”

⁴Twawezaje kuimba wimbo wa Mwenyezi-Mungu

katika nchi ya kigeni?

⁵Ee Yerusalemu, kama nikikusahau,

mkono wangu wa kulia na ukauke!

⁶Ulimi wangu na uwe mzito,

kama nisipokukumbuka wewe, ee Yerusalemu;

naam, nisipokuthamini kuliko furaha yangu kubwa!

⁷Ee Mwenyezi-Mungu, usisahau waliyotenda Waedomu,[#137:7 Huenda Waedomu walifurahi wakati mji wa Yerusalemu ulipoteketezwa na Wababuloni na wengi wa wakazi wake wakachukuliwa mateka. Taz Eze 35:5-15; Oba 10-14.]

siku ile Yerusalemu ilipotekwa;

kumbuka waliyosema:

“Bomoeni mji wa Yerusalemu!

Ng'oeni hata na misingi yake!”

⁸Ee Babuloni, utaangamizwa!

Heri yule atakayekulipiza mabaya uliyotutenda!

⁹Heri yule atakayewatwaa watoto wako

na kuwapondaponda mwambani!