1 Timoteo 6

Watumwa wawaheshimu mabwana zao!

¹Wote walio katika mafungo ya utumwa sharti wawape mabwana zao heshima zote, Jina la Mungu nao ufundisho wetu usifyozwe![#Ef. 6:5; Tit. 2:9-10.]

²Lakini walio wa mabwana wenye kumtegemea Mungu wasiwabeze, kwa kwamba ni ndugu, ila wawatumikie kupita wengine, kwa sababu nao wamemtegemea Mungu! Inafaa, wapendwe, maana nao hutaka kuwafanyizia kazi njema.[#1 Tes. 1:4; File. 16.]

Choyo ni shina la maovu. Mambo hayo yafundishe na kuwaonya!

³Mtu akifundisha mengine, asiposhikamana na maneno ya Bwana wetu Yesu Kristo yatupayo uzima wala na ufundisho upasao wenye kumcha Mungu,[#Gal. 1:6-9; 2 Tim. 1:13.]

⁴basi, mtu huyo ametutumka, hana, akijuacho, kilema chake ni mashindano na mabishano ya kujisemea tu. Hayo ndiyo yanayoleta wivu na ugomvi na matusi na masingizio mabaya

⁵na machukivu yasiyokoma. Hao huwa kama wenye wazimu waepukao kabisa kwenye kweli, ndio wanaodhani kwamba: Kumcha Mungu ni chumo. Walio hivyo jitenge nao!

⁶*Kweli kumcha Mungu ni chumo kubwa, kukiwa pamoja na kutoshewa nayo, tuliyo nayo.[#1 Tim. 4:8; Mat. 6:25-34; Fil. 4:11-12; Ebr. 13:5.]

⁷Kwani hakuna, tulichokileta humu ulimwenguni, wala hakuna, tuwezacho kutoka nacho tena.[#Iy. 1:21; Mbiu. 5:15.]

⁸Lakini tukiwa na vyakula na vya kuvaa tuseme: Vinatutoshea![#Fano. 30:8.]

⁹Lakini wanaotaka kupata mali nyingi huanguka penye majaribu na matanzi na tamaa nyingi zisizo na maana, ziponzazo watu na kuwatumbukiza maangamizoni, wanapopata kuoza tu.[#Fano. 23:4; 28:22.]

¹⁰Kwani choyo ni shina la maovu yote. Wengine walikifuata, wakapotelewa, wasiweze kumtegemea Mungu tena, wakajipatia maumivu mengi.[#Ef. 5:5.]

Ungamo zuri.

¹¹Lakini wewe uliye mtu wa Mungu hayo yakimbie! Ukimbilie wongofu na kumcha Mungu na kumtegemea na kupendana na kuvumilia na kujinyenyekeza![#Fil. 3:12-14; 2 Tim. 2:22; Ebr. 3:1; 10:23.]

¹²Vipige vile vita vizuri vya kumtegemea Mungu! Ishike njia ya uzima wa kale na kale, ulioitiwa, ukaungama ungamo zuri mbele ya mashahidi wengi.*[#1 Kor. 9:25-26.]

¹³Nakuagiza mbele yake Mungu anayevipa vyote uzima na mbele ya Kristo Yesu aliyelishuhudia ungamo lake zuri mbele ya Pontio Pilato,[#Yoh. 18:36-37; 19:11.]

¹⁴uyalinde uliyoagizwa, yasiwe na doadoa wala kilema, mpaka bwana wetu Yesu Kristo atakapotokea;

¹⁵naye atakayemtokeza kwetu, siku zake zitakapotimia, ni yule anayeshangiliwa kuwa Mwenyezi peke yake, yule mwenye kutawala wafalme na mabwana.[#1 Tim. 1:11; 5 Mose 10:17; Ufu. 17:14.]

¹⁶Ni yeye peke yake asiyekufa, hukaa mwangani, msimofikiwa na mtu; hakuna mtu aliyemwona, wala hakuna awezaye kumtazama. Yeye aheshimiwe, kwa sababu nguvu ni zake kale na kale! Amin.[#2 Mose 33:20.]

Matumio ya mali.

¹⁷Walio wenye mali nyingi humu ulimwenguni waagize, wasijikweze, wala wasizitumainie mali, maana hutoweka upesi; ila sharti wamtumainie Mungu anayetupatia yote na kuyafurikisha, tushibe vema.[#Sh. 62:11; Luk. 12:15-21.]

¹⁸Waagize, wafanye mwenendo mwema wakifuliza kufanya kazi nzuri, wakigawia wengine mema yao kwa kuwa bia moja nao.

¹⁹Hivyo ndivyo, watakavyojiwekea malimbiko yatakayokuwa msingi mzuri, siku zitakapotimia za kuupata uzima ulio wa kweli.[#Mat. 6:20.]

²⁰Timoteo, yalinde, uliyopewa ya kuyaweka! Yakatae yale mapuzi yaliyo ya bure tu nayo yale mabishano ya utambuzi ulio wa uwongo tu![#1 Tim. 4:7; 2 Tim. 1:14.]

²¹Maana wengine walioufuata wamepotelewa na njia ya kumtegemea Mungu. Upole uwakalie ninyi! Amin.[#1 Tim. 1:6; 2 Tim. 2:18.]