Waisiraeli na Wayuda hufanya ugoni na wamizimu.

¹Neno la Bwana likanijia la kwamba:

²Mwana wa mtu, kulikuwako wanawake wawili waliozaliwa na mama yao mmoja.

³Wakafanya ugoni katika nchi ya Misri; wangaliko wasichana bado, walifanya ugoni. Huko wakapenda kushikwashikwa vifua vyao na kubanwabanwa maziwa ya uwanawali wao.

⁴Majina yao mkubwa aliitwa Ohola (Hema lake) naye nduguye Oholiba (Hema langu limo mwake); wakawa wangu, wakazaa wana wa kiume na wa kike. Nayo hayo majina yao lile la Ohola lilikuwa la Samaria, nalo la Oholiba lilikuwa la Yerusalemu.

⁵Ohola akafanya ugoni alipokuwa ni wangu, akawatamani wapenzi wake Waasuri waliomkaribia.

⁶Walikuwa wamevaa nguo za kifalme za rangi nyeusi; nao walikuwa watawala nchi na wakuu, wote walikuwa vijana wa kutamaniwa kwa kupendeza, wakaja wakichukuliwa na farasi, hao farasi ndio waliopandwa nao.

⁷Hao ndio, aliojitolea kwa ugoni wake, kwani wote walikuwa vijana wateule wa wana wa Asuri, kwao wote, aliowatamani, akajipatia uchafu na kuyatumikia magogo yao ya kutambikia.

⁸Nao ugoni wake, alioufanya Misri, hakuuacha; kwani wao walilala kwake, alipokuwa msichana bado, nao ndio walioyabanabana maziwa ya uwanawali wake wakimmwagia ugoni wao.

⁹Kwa hiyo nimemtia mikononi mwao wapenzi wake, ndimo mikononi mwa wana wa Asuri, aliowatamani,

¹⁰Nao waliyafunua yake yenye soni, wakawachukua wanawe wa kiume nao wa kike, naye mwenyewe wakamwua kwa upanga. Kisha jina lake likatumiwa kwa wanawake kuwa tisho, alipokuwa amekwisha kuhukumiwa.[#Ez. 23:29.]

¹¹Ijapo nduguye Oholiba alikuwa ameyaona, akauzidisha ubaya wa tamaa zake kuliko yule, nao ugoni wake ukazidi kuliko ugoni wake yule.[#Ez. 16:51.]

¹²Akawatamani wana wa Asuri, watawala nchi na wakuu wakamkaribia wakiwa wamevaa nguo za urembo kabisa, nao wakaja wakichukuliwa na farasi, hao farasi ndio waliopandwa nao, wao wote walikuwa vijana wa kutamaniwa kwa kupendeza.

¹³Nikamwona, alivyochafuliwa. Hao wawili njia yao ilikuwa moja tu.

¹⁴Naye huyu akaendelea kwa ugoni wake, alipoona waume waliochorwa ukutani, ni sanamu za Wakasidi zilizochorwa mle na kutiwa rangi nyekundu.

¹⁵Walikuwa wamejifunga ukanda viunoni pao, vichwani pao walikuwa wamejifunga vilemba vya nguo za rangi vipana sana, sura zao wote walionekana kuwa wapanda magari ya vita, walifanana nao wana wa Babeli; ndiko, hao wakasidi walikozaliwa.

¹⁶Akawatamani alipowaona kwa macho yake, akatuma wajumbe kwenda kwao katika nchi ya wakasidi.

¹⁷Ndipo, wana wa Babeli walipokuja kwake kulala naye kwa kumpenda, wakamtia uchafu kwa ugoni wao; alipokwisha kujipatia uchafu kwao, roho yake ikajitenga nao.

¹⁸Alipoufunua ugoni wake na kuyafunua yake yenye soni, ndipo, roho yangu ilipojitenga naye, kama ilivyojitenga na dada yake.

¹⁹Akauzidisha ugoni wake akizikumbuka siku za ujana wake, alipofanya ugoni katika nchi ya Misri.

²⁰Akawatamani sana wazinzi wa huko walio wenye miili kama ya punda, nazo tamaa zao za kutokeza mbegu zilikuwa kama za madume ya farasi.

²¹Hivyo uliutazamia uzinzi wa ujana wako, wale walioko Misri walipoyabanabana maziwa yako na kuvishikashika vifua vya uwanawali wako.

Hukumu itakayowapata kwa kumwacha Mungu.

²²Kwa hiyo, Oholiba, hivi ndivyo, Bwana Mungu anavyosema: Utaniona, nikiwaamsha wapenzi wako, wakujie, ambao roho yako ilijitenga nao. Nitawaleta, wakujie toka pande zote:

²³wama wa Babeli na Wakasidi wote, Pekodi na Soa na Koa na wana wote wa Asuri pamoja nao; ndio vijana wa kutamaniwa kwa kupendeza, wote ni watawala nchi na wakuu, wapanda magari ya vita na mabwana wakubwa, wote ni wenye kupanda farasi.

²⁴Hao watakujia wakileta vyombo vya vita na magari na magurudumu na mikutano ya makabila ya watu wenye ngao kubwa na ngao ndogo na makofia ya vita, kisha watajipanga kwako na kukuzunguka. Nami nitalipeleka shauri lako mbele yao, nao watakukatia shauri, kama wanavyokata mashauri kwao.[#Luk. 19:43.]

²⁵Kisha nitakutolea wivu wangu, wao wakufanyizie mambo, wayatakayo kwa makali yao yenye moto; watakukata pua na masikio, kisha utauawa kwa upanga. Kisha watawachukua wanao wa kiume na wa kike, nawe wewe mwisho utateketezwa kwa moto.

²⁶Watakuvua nguo zako wayachukue mapambo yako matukufu.

²⁷Hivyo nitaukomesha uzinzi wako, uishe kwako pamoja na ugoni wako ulioanzia katika nchi ya Misri, hutaweza tena kuyainua macho yako, uwatazame, wala hutaikumbuka tena nchi ya Misri.

²⁸Kwani hivi ndivyo, Bwana Mungu anavyosema: Utaniona, nikikutia mikononi mwao, unaowachukia, namo mikononi mwao ambao roho yako ilijitenga nao.

²⁹Nao watakufanyizia mambo, wayatakayo kwa uchukivu wao, wakiyachukua mapato yako yote kisha watakuacha mwenye uchi pasipo nguo ya kujifunika; ndipo, utakapokuwa umefunuka ugoni wako utiao soni nao uzinzi wako ulio pamoja na ugoni wako.

³⁰Watakufanyizia hayo, kwa kuwa uliwakimbilia wamizimu, ufanye ugoni nao, tena kwa kuwa ulijipatia uchafu kwa magogo yao ya kutambikia.

³¹umeishika njia ya dada yako, kwa hiyo ninakupa kinyweo chake mkononi mwako.[#Ez. 23:33.]

³²Hivi ndivyo, Bwana Mungu anavyosema: Kinyweo cha dada yako utakinywa kilicho kirefu na kipana, uchekwe na kufyozwa! Kwani ni mengi yaliyoenea mle ndani.

³³Ndipo, utakapolewa kabisa na kuona majonzi mengi, kwani hicho kinyweo cha dada yako Samaria ni kinyweo chenye mastusho na ukiwa.[#Yes. 51:17; Yer. 25:15,18.]

³⁴Utakinywa, mpaka ukimalize kwa kufyonza, kisha sharti uvilambe navyo vigae vyake na kuyakwaruza maziwa yako, kwani mimi nimeyasema; ndivyo asemavyo Bwana Mungu.

³⁵Kweli hivi ndivyo, Bwana Mungu anavyosema: Kwa kuwa umenisahau, ukanitupa mgongoni kwako, basi, wewe nawe jitwike uzinzi wako na ugoni wako!

³⁶Bwana akaniambia: Mwana wa mtu, hutamhukumu Ohola naye Oholiba? Waumbulie machukizo yao!

³⁷Kwani wamevunja unyumba, nazo damu zimo mikononi mwao. Unyumba wameuvunja wakiyatamani magogo yao ya kutambikia nao wana wao, walionizalia mimi, wamewapitisha motoni, wayawie vipaji vya tambiko vya kula.[#Yer. 7:31.]

³⁸Tena wamenifanyizia nayo hayo: Siku ileile wamepatia Patakatifu pangu uchafu, wakazitangua siku zangu za mapumziko.

³⁹Walipowachinja wana wao kuwa ng'ombe za tambiko za yale magogo yao, siku ileile wakapaingia Patakatifu pangu, wapatie uchafu. Tazama, hivyo ndivyo, walivyofanya Nyumbani mwangu.

⁴⁰Tena wametuma hata kwa waume walioko mbali, waje wakitoka kwao; nao hapo, mjumbe alipotumwa kuwaita, ndipo, walipokuja papo hapo. Kwa ajili yao ukaenda koga, ukajitia wanja machoni, ukajipamba na kuvaa mapambo ya urembo.

⁴¹Kisha ukajikalisha katika kitanda kizuri mno, mbele yako pakawa na meza iliyotandikwa, juu yake ukayaweka mavukizo yangu na mafuta yangu.

⁴²Wakatulia hapo pako na kupiga makelele kama ya watu wengi, wakatuma kuita watu wakaao kwenye watu wengi, wakaletwa wanywaji waliotoka nyikani, wakawapa vikuku vya kuvaa mikononi pao na vilemba vyenye utukufu kuvaa vichwani pao.

⁴³Nikasema: Hivyo, alivyochakaa kwa kuvunja unyumba, hata sasa ataufanya ugoni wake. Naye akaufanya.

⁴⁴Watu wakaja nyumbani mwake, kama wanavyoingia mwake mwanamke mgoni; hivyo ndivyo walivyoingia mwake Ohola namo mwake Oholiba, kwa kuwa wanawake wenye uzinzi.

⁴⁵Lakini waume waongofu watawakatia shauri liwe shauri lipasalo wazinzi, tena liwe shauri lipasalo waliomwaga damu kwani ndio wake wazinzi, nazo damu zimo mikononi mwao,[#3 Mose 20:10.]

⁴⁶Kwani hivi ndivyo, Bwana Mungu anavyosema: Wakusanyie mkutano mkubwa uwatoe, watupwe huko na huko, kisha wanyang'anywe mali zao!

⁴⁷Kisha watu wa huo mkutano wawapige mawe, halafu wawakatekatekwa panga zao! Nao wana wao wa kiume na wa kike wawaue! Tena nyumba zao waziteketeze kwa moto.

⁴⁸Hivyo ndivyo, nitakavyoukomesha uzinzi, uishe katika nchi hii, wanawake wote waonyeke, wasifanye uzinzi kama wao.

⁴⁹Hivyo ndivyo, watakavyowatika uzinzi wenu, nayo makosa ya kuyatambikia yale magogo yenu mtatwikwa; ndipo, mtakapojua, ya kuwa mimi ni Bwana Mungu.