¹Samaria atalipishwa manza, alizozikora kwa kumpingia

Mungu wake: kwa hiyo wataangushwa kwa panga,

watoto wao wachanga watapondwa,

nao wanawake wenye mimba watatumbuliwa.

Mema yatakayokuwa, Waisiraeli watakapomgeukia Mungu.

²Rudi, Isiraeli, kwa Bwana Mungu wako!

Kwani umejikwaa kwa maovu, uliyoyafanya.

³Yashikeni maneno haya kwenda nayo,

mkirudi kwake Bwana, ya kumwambia:

Ziondoe manza zote pia, tulizozikora, ututolee wema!

Ndipo, tutakapotoa shukrani za midomo yetu, ziwe ng'ombe za tambiko.

⁴Mwasuri hawezi kutuokoa, nasi hatujui kupanda farasi;

hatutaziita tena kazi za mikono yetu kwamba: Ni mungu wetu!

Kwani kwako ndiko, wafiwao na wazazi wanakojipatia huruma.

⁵Watakaporudi hivyo, nitawaponya, nitawapenda kwa moyo,

kwani ndipo, makali yangu yatakapokuwa yamewaondokea.

⁶Ndipo, nitakapokuwa kwake Isiraeli kama umande,

apate kuchanua kama maua ya shambani,

ashushe mizizi yake kama miti ya Libanoni.

⁷Matawi yake yatakuwa marefu, uzuri wake uwe kama wa

mchekele,

nao utanuka vizuri kama mti wa Libanoni.

⁸Watakaokaa kivulini kwake watarudia kupanda ngano,

watachanua kama mizabibu,

sifa yao itakuwa kama sifa ya mvinyo za Libanoni.

⁹Ndipo, Efuraimu atakaposema: Vinyago vinanifaliaje

tena?

Nami nitamjibu na kumtazama kwa kupendezwa:

Mimi ni kama mvinje mbichi,

kwangu mimi kutaonekana yaliyo mazao yako.

¹⁰Yuko nani aliye mwerevu wa kweli, ayatambue hayo?

Yuko nani aliye mtambuzi, ayajue maana yao hayo?

Kwani njia za Bwana hunyoka, nao waongofu huzishika,

lakini wapotovu

hukwazwa nazo.