Fungu la shina la Simeoni.

¹Kura ya pili iliyotokea ilikuwa ya shina la wana wa Simeoni ya kuzigawanyia koo zao; nalo fungu lao lilikuwa katikati ya wana wa Yuda.

²Hilo fungu, walilolipata, liwe lao, lilikuwa: Beri-Seba na Seba na Molada,

³na Hasari-Suali na Bala na Esemu,

⁴na Eltoladi na Betuli na Horma,

⁵na Siklagi na Beti-Markaboti na Hasari-Susa,

⁶na Beti-Lebaoti na Saruheni; ndio miji 13 na mitaa yao.

⁷Aini, Rimoni na Eteri na Asani, ndio miji 4 na mitaa yao.

⁸Tena mitaa yote pia iliyoizunguka miji hii mpaka Bala-Beri ulio Rama wa kusini. Hii lilikuwa fungu lao wana wa Simeoni la kuzigawanyia koo zao.

⁹Hili fungu la wana wa Simeoni lilichukuliwa katika nchi, wana wa Yuda waliyopimiwa, kwani fungu lao wana wa Yuda lilikuwa kubwa zaidi, wasilikae lote. Kwa hiyo wana wa Simeoni walipata fungu lao katikati ya fungu lao wale.

Fungu la shiria la Zebuluni.

¹⁰Kura ya tatu iliyotokea ilikuwa ya wana wa Zebuluni ya kuzigawanyia koo zao, nao mpaka wa fungu lao ulifika hata Saridi.

¹¹Toka huko mpaka wao ulipanda upande wa baharini kufika Marala na kugusa Dabeseti, kisha ulikigusa kijito kile kinachopita mbele ya Yokinamu.

¹²Tena toka Saridi mpaka uligeukia upande wa mashariki, ndio maawioni kwa jua, ufike kwenye mpaka wa Kisiloti-Tabori, toka huko ulifika Daberati na kupanda Yafia.

¹³Toka huko uliendelea upande wa mashariki, ndio wa maawioni, ufike Gati-Heferi na Eti-Kasini, utokee Rimoni na kufika hata Nea.

¹⁴Kisha mpaka uliuzunguka mji huu upande wa kaskazini wa Hanatoni, upate kutokea bondeni kwa Ifuta-Eli,

¹⁵kuliko na miji ya Katati na Nahalali na Simuroni na Idala na Beti-Lehemu; miji ilikuwa 12 na mitaa yao.[#Amu. 1:30.]

¹⁶Hili lilikuwa fungu lao wana wa Zebuluni la kuzigawanyia koo zao ile miji pamoja na mitaa yao.

Fungu la shina la Isakari.

¹⁷Kura ya nne iliyotokea ilikuwa ya wana wa Isakari ya kuzigawanyia koo zao.

¹⁸Mpaka wao ulichukua Izireeli na Kesuloti na Sunemu,

¹⁹na Hafaraimu na Sioni na Anaharati,[#2 Fal. 4:8.]

²⁰na Rabiti na Kisioni na Abesi,

²¹na Remeti na Eni-Ganimu na Eni-Hada na Beti-Pasesi.

²²Kisha mpaka uligusa Tabori na Sahasima na Beti-Semesi, kisha mpaka wao ulitokea Yordani; miji ilikuwa 16 pamoja na mitaa yao.

²³Hili lilikuwa fungu la shina la wana wa Isakari la kuzigawanyia koo zao ile miji pamoja na mitaa yao.

Fungu la shina la Aseri.

²⁴Kura ya tano iliyotokea ilikuwa ya shina la wana wa Aseri ya kuzigawanyia koo zao.

²⁵Mpaka wao ulichukua Helkati na Hali na Beteni na Akisafu,

²⁶na Alameleki na Amadi na Misali; kisha mpaka uligusa Karmeli upande wa baharini na Sihori-Libunati.

²⁷Toka huko mpaka uligeukia upande wa maawioni kwa jua kufika Beti-Dagoni, kisha uligusa Zebuluni na bonde la Ifuta-Eli upande wake wa kaskazini, ulipita Beti-Emeki na Nieli, upate kutokea Kabuli kushotoni kwake.

²⁸Kisha ulichukua Eburoni na Rehobu na Hamoni na Kana, uufikie ule mji mkubwa wa Sidoni.

²⁹Huko mpaka uligeuka tena kufika Rama, hata mji wa Tiro uliokuwa na boma, kisha mpaka uligeuka tena kufika Hosa, upate kutokea baharini upande wa nchi ya Akizibu.[#Yos. 15:44; Amu. 1:31.]

³⁰Hata Uma na Afeki na Rehobu ilikuwa ya huko. Miji ilikuwa 22 pamoja na mitaa yao.

³¹Hili lilikuwa fungu la shina la wana wa Aseri la kuzigawanyia koo zao ile miji pamoja na mitaa yao.

Fungu la shina la Nafutali.

³²Kura ya sita iliyotokea ilikuwa ya wana wa Nafutali ya kuzigawanyia koo zao.

³³Mpaka wao ulitoka Helefu kwenye mvule wa Sananimu, ulichukua Adami-Nekebu na Yabuneli, hata Lakumu, utokee Yordani.

³⁴Tena mpaka uligeukia upande wa baharini, ufike Azinoti-Tabori; ulipotoka huko ulikwenda Hukoki, upande wa kusini uligusa Zebuluni, nao upande wa baharini uligusa Aseri, nao upande wa maawioni kwa jua uligusa Yuda kwenye Yordani.

³⁵Miji yenye maboma ilikuwa: Sidimu, Seri na Hamati, Rakati na Kinereti (Genezareti),

³⁶na Adama na Rama na Hasori,

³⁷na Kedesi na Edirei na Eni-Hasori,

³⁸na Ironi na Migidali-Eli, Horemu na Beti-Anati na Beti-Semesi; miji ilikuwa 19 pamoja na mitaa yao.[#Amu. 1:33.]

³⁹Hili lilikuwa fungu la shina la wana wa Nafutali la Kuzigawanyia koo zao ile miji pamoja na mitaa yao.

Fungu la shina la Dani.

⁴⁰Kura ya saba iliyotokea ya shina la wana wa Dani ya kuzigawanyia koo zao.

⁴¹Mpaka wa fungu lao ulichukua Sora na Estaoli na Iri-Semesi,

⁴²na Salabini na Ayaloni na Itila,

⁴³na Eloni na Timuna na Ekroni,[#Amu. 1:35.]

⁴⁴na Elteke na Gibetoni na Bala,

⁴⁵na Yudi na Bene-Beraki na Gati-Rimoni,

⁴⁶na Me-arkoni na Rakoni nayo nchi ielekeayo Yafo;[#Yona 1:3.]

⁴⁷huko ndiko, mpaka wa wana wa Dani ulikotokea. Halafu wana wa Dani walikwenda kupigana na mji wa Lesemu, wakauteka, wakawapiga waliokuwamo kwa ukali wa panga, kisha wakauchukua, wakakaa humo, wakaacha kuuita Lesemu wakauita Dani kwa jina la baba yao Dani.[#Amu. 18:27,29.]

⁴⁸Hili lilikuwa fungu la shina la wana wa Dani la kuzigawanyia koo zao ile miji pamoja na mitaa yao.

Fungu lake Yosua.

⁴⁹Wana wa Isiraeli walipokwisha kuigawanya nchi hii na kujipatia mafungu yao katika mipaka yake wakampa Yosua, mwana wa Nuni, fungu lake katikati yao.

⁵⁰Kwa kuagizwa na Bwana wakampa huo mji, alioutaka, ndio Timunati-Sera milimani kwa Efuraimu, kisha akaujenga mji huu, akakaa humo.[#Yos. 24:30.]

⁵¹Haya ndiyo mafungu, mtambikaji Elazari na Yosua, mwana wa Nuni, na wakuu wa milango ya baba zao waliyowagawanyia mashina ya wana wa Isiraeli kwa kuyapigia kura huko Silo machoni pa Bwana pa kuliingilia Hema la Mkutano; ndivyo, walivyomaliza kuigawanya nchi hii.[#Yos. 14:1; 18:1.]