Maagizo ya Mungu na mazoea ya watu.

¹Ndipo, walipomjia Yesu Mafariseo na waandishi waliotoka Yerusalemu, wakasema:[#5 Mose 4:2; Luk. 11:38.]

²Kwa sababu gani wanafunzi wako hawayafuati mazoezo ya wakale? Kwani hawanawi mikono wakila chakula.

³Ndipo, alipowajibu akisema: Nanyi sababu gani hamlifuati agizo lake Mungu kwa ajili ya mazoezo ya wakale wenu?

⁴Kweli Mungu alisema: Mheshimu baba yako na mama yako! na tena: Atakayemwapiza baba au mama sharti afe kwa kuuawa![#2 Mose 20:12; 21:17.]

⁵Lakini ninyi husema: Mtu akimwambia baba au mama: Mali, unazozitaka, nikusaidie nazo, amepewa Mungu, basi, ni vema.[#Fano. 28:24.]

⁶Hivyo hatamheshimu baba na mama tena; ndivyo, mlivyolitangua Neno la Mungu kwa ajili ya mazoezo ya wakale wenu.

⁷Enyi wajanja, Yesaya aliwafumbua vizuri hayo mambo yenu aliposema:[#Yes. 29:13.]

⁸Ukoo huu huniheshimu kwa midomo tu,

lakini mioyo yao inanikalia mbali.

⁹Hivyo hunicha bure,

kwani hufundisha mafundisho yaliyto maagizo ya watu tu.

¹⁰Akaliita kundi la watu, akawaambia: Sikilizeni, mjue maana!

¹¹Kinachoingia kinywani sicho kinachomtia mtu uchafu, ila kinachotoka kinywani ndicho kinachomtia mtu uchafu.[#Mat. 12:34; 1 Tim. 4:4; Tit. 1:15.]

¹²Ndipo, wanafunzi walipomjia, wakamwuliza: Unajua, ya kuwa Mafariseo walikwazwa walipolisikia neno hilo?

¹³Naye akajibu akisema: Kila mmea, asioupanda Baba yangu wa mbinguni, utang'olewa.

¹⁴Waacheni hao! Ni mapofu wenye kuongoza vipofu wenzao. Kipofu akimwongoza kipofu mwenziwe, wote wawili watatumbukia shimoni.[#Mat. 23:24; Luk. 6:39; Rom. 2:19.]

¹⁵Petero akajibu, akamwambia: Tuelezee mfano huu!

¹⁶Naye akasema: Kumbe nanyi hajaerevuka hata leo!

¹⁷Hamjui, kila kitu kinachoingia kinywani hupita tumboni, kikatupwa chooni?

¹⁸Lakini yanayotoka kinywani mwa mtu yametoka moyoni mwake, nayo ndiyo yanayomtia mtu uchafu.

¹⁹Kwani moyoni hutoka mawazo mabaya: uuaji, uzinzi, ugoni, wizi, usingiziaji, matusi.[#1 Mose 8:21.]

²⁰Haya ndiyo yanayomtia mtu uchafu; lakini kula na mikono isiyonawiwa hakumtii mtu uchafu.

Mwanamke wa Kikanaani

²¹*Yesu alipotika huko akajiepusha kwenda pande za Tiro na Sidoni.

²²Mara mwanamke wa Kikanaani aliyekaa mipakani huko akatokea, akapaza sauti akisema: Nihurumie, Bwana, mwana wa Dawidi! Binti yangu anapagawa vibaya na pepo.

²³Lakini hakumjibu neno. Wanafunzi wake wakamjia, wakamwomba wakisema: Mwache, aende zake! Kwani anatupigia kelele nyuma yetu.

²⁴Naye akajibu: Sikutumwa pengine, ni kwao tu walio kondoo waliopotea wa mlango wa Isiraeli.[#Mat. 10:6; Rom. 15:8.]

²⁵Naye mwanamke akaja, akamwangukia, akasema: Bwana, nisaidie!

²⁶Naye akajibu akisema: Haifai kuchukua chakula cha watoto na kuwatupia vijibwa.

²⁷Mwanamke akasema: Ndio Bwana, lakini nao vijibwa hula makombo yanayoanguka mezani pa bwana zao.

²⁸Ndipo, Yesu alipojibu akimwambia: Mama, umenitegemea kabisa. Na uvipate unavyovitaka! Saa ile ile binti yake akapona.*[#Mat. 8:10,13.]

Kuponya wagonjwa wengi.

²⁹Kisha Yesu akaondoka huko, akafika kandokando ya bahari ya Galilea, akapanda mlimani, akakaa huko.[#Mar. 7:31.]

³⁰Wakamjia makundi mengi ya watu walio na viwete na wenye vilema na vipofu na mabubu na wengine wengi pamoja nao. Wakawaweka miguuni pa Yesu, naye akawaponya.

³¹Ikawa, makundi ya watu wakastaajabu waliupoona, mabubu wakisema, nao waliolemaa wakiwa wazima, nao viwete wakitembea, nao vipofu wakiona. Wakamtukuza Mungu wa Isiraeli.[#Mar. 7:37.]

Watu 4000 wanalishwa.

³²Yesu akawaita wanafunzi wake, akasema: Kundi hili la watu nalionea uchungu, kwa kuwa wameshinda kwangu siku tatu, wasione chakula. Nami sitaki kuwaaga, waende zao pasipo kula, maana wasije, wakazimia njiani.[#Mat. 14:14.]

³³Wanafunzi wakamwambia: Hapa nyikani tutapata wapi mikate inayotosha kuwashibisha watu walio wengi kama hawa?

³⁴Yesu akawauliza: Mnayo mikate mingapi? Nao waliposema: Tunayo saba na visamaki vichache,

³⁵akawaagiza hao watu wengi, wakae chini.

³⁶Kisha akaitwaa ile mikate saba na samaki, akashukuru, akaimega akawapa wanafunzi, nao wanafunzi wakawapa wao wa makundi ya watu.

³⁷Wote wakala, wakashiba; kisha wakayaokota makombo ya mikate yaliyosalia, wakajaza makanda saba.

³⁸Nao waliokula walikuwa waume tu 4000 pasipo wanawake na watoto.

³⁹Kisha akawaaga makundi, waende zao, akaingia chomboni, akaja mipakani kwa Magadala.