Mapatilizo yao wakuu.

¹Nikasema: Sikilizeni, ninyi mlio vichwa vyao wa Yakobo,

ninyi mlio wakuu wa mlango wa Isiraeli!

Je? Haiwapasi ninyi kujua, jinsi mashauri yanavyokatwa

sawasawa?

²Lakini ninyi huchukizwa nayo yaliyo mema,

mkapendezwa nayo yaliyo mabaya;

ninyi huchuna watu ngozi zao,

nazo nyama zao huziondoa mifupani kwao.

³Ninyi ndio mnaozila nyama zao walio ukoo wangu,

tena mkiisha kuwavua ngozi zao mwawavunja nayo mifupa

yao,

mkawakatakata vipande kama vya kuweka chunguni

au kama nyama zinazotiwa katika sufuria.

⁴Kwa hiyo hapo, watakapomlilia Bwana, hatawaitikia,

ila atauficha uso wake, usiwatazame wakati huo,

kama inavyowapasa kwa matendo yao mabaya, waliyoyafanya.

⁵Hivi ndivyo, Bwana anavyosema kwa ajili ya wafumbuaji

wanaowapoteza walio ukoo wangu,

ndio wanaotangaza kwamba: Tengemaneni tu!

wakipata vya kutafuna kwa meno yao,

lakini mtu asipowapa vya kutia vinywani mwao,

humpatia vita vya watakatifu

⁶Kwa hiyo usiku utawaguia, msione kitu,

na giza, msiweze kuagua,

nalo jua litawachwea wafumbuaji hao,

hata siku itakuwa yenye giza kwao.

⁷Ndipo, hao wachunguzaji watakapopatwa na soni,

nao waaguaji hao wataiva nyuso,

wao wote watajifunika ndevu zao za midomo,

kwa kuwa Mungu hawajibu kamwe.

⁸Lakini mimi nimejaa nguvu, nilizopewa na Roho ya Bwana,[#Yes. 58:1.]

nikapewa kumaliza mashauri kwa uwezo wa kushinda,

nipate kuwatangazia wa Yakobo mapotovu yao

nao Waisiraeli makosa yao.

Yerusalemu utabomolewa.

⁹Sikilizeni, ninyi mlio vichwa vyao wa Yakobo,

nanyi mlio waamuzi wa mlango wa Isiraeli!

Mwachukizwa na mashauri yaliyo sawa,

nayo yote yanyokayo mwayapotoa!

¹⁰Sioni mwaujenga kwa damu nao Yerusalemu kwa mapotovu.[#Hab. 2:12.]

¹¹Wakuu wao hukata mashauri kwa kupenyezewa mali,

nao watambikaji wao hufundisha kulipwa,

nao wafumbuaji wao hufumbua kwa kupata fedha,

tena hujiegemezea kwake Bwana na kusema:

Je? Bwana hayuko kwetu katikati?

Hakuna kibaya kitakachotupata.

¹²Kweli kwa ajili yenu ninyi Sioni utalimwa kuwa shamba,

nao Yerusalemu utageuka kuwa chungu la mabomoko,

nao mlima wenye Nyumba hii utageuka kuwa kilima chenye

mwitu.