Ng'ombe za tambiko za sikukuu ya Shangwe.

¹Siku ya kwanza ya mwezi wa saba na mkutanie Patakatifu, msifanye kazi yo yote ya utumishi, iwe sikukuu yenu ya Shangwe.[#3 Mose 23:24-25.]

²Hapo na mtoe kuwa ng'ombe za tambiko za kuteketezwa nzima, ziwe mnuko wa kumpendeza Bwana: dume moja la ng'ombe aliye kijana bado na dume moja la kondoo na wana kondoo saba wa mwaka mmoja wasio na kilema.

³Navyo vilaji vyao vya tambiko na viwe vibaba tisa vya unga mwembamba wa ngano uliochanganywa na mafuta vya dume la ng'ombe na vibaba sita vya dume la kondoo,

⁴na vibaba vitatu vya kila mwana kondoo mmoja wa wale wana kondoo saba.

⁵Tena na mtoe dume moja la mbuzi kuwa ng'ombe ya tambiko ya weuo kuwapatia ninyi upozi.

⁶Hao na mtoe pamoja na ng'ombe za tambiko za kuteketezwa nzima za mwandamo wa mwezi pamoja na ng'ombe ya tambiko ya kuteketezwa nzima ya kila siku pamoja na vilaji vyake vya tambiko, tena na mvitoe navyo vinywaji vyao vya tambiko, kama ilivyo desturi yao kuwa moto wenye mnuko wa kumpendeza Bwana.

Ng'ombe za tambiko za sikukuu ya Mapoza.

⁷Siku ya kumi ya mwezi huo wa saba na mkutanie Patakatifu na kujitesa kwa kufunga, msifanye kazi yo yote,[#3 Mose 23:27-32.]

⁸ila mtolee Bwana kuwa ng'ombe za tambiko za kuteketezwa nzima, ziwe mnuko wa kumpendeza: dume moja la ng'ombe aliye kijana bado na dume moja la kondoo na wana kondoo saba wa mwaka mmoja wasio na kilema; hawa ndio, mtakaowatoa.

⁹Navyo vilaji vyao vya tambiko na viwe vibaba tisa vya unga mwembamba wa ngano uliochanganywa na mafuta vya dume la ng'ombe na vibaba sita vya dume moja la kondoo,

¹⁰na vibaba vitatutatu vya kila mwana kondoo mmoja wa wale wana kondoo saba.

¹¹Tena na mtoe dume moja la mbuzi kuwa ng'ombe ya tambiko ya weuo pamoja na ng'ombe ya tambiko ya weuo ya sikukuu ya Mapoza na ng'ombe ya tambiko ya kuteketezwa nzima ya kila siku pamoja na vilaji vyake vya tambiko, tena na mvitoe navyo vinywaji vyao ya tambiko.[#3 Mose 16:11-22.]

Ng'ombe za tambiko za sikukuu ya Vibanda.

¹²Siku ya kumi na tano ya mwezi wa saba na mkutanie Patakatifu, msifanye kazi yo yote ya utumishi, ila mzile hizo sikukuu za Bwana siku saba.[#3 Mose 23:34-43.]

¹³Hapo na mtoe ng'ombe za tambiko za kuteketezwa nzima, ziwe moto wenye mnuko wa kumpendeza Bwana: madume kumi na matatu ya ng'ombe walio vijana bado na madume mawili ya kondoo na wana kondoo kumi na wanne wa mwaka mmoja wasio na kilema.

¹⁴Navyo vilaji vyao vya tambiko na viwe vibaba tisa vya unga mwembamba wa ngano uliochanganywa na mafuta vya dume moja la ng'ombe wa wale madume ya ng'ombe kumi na matatu na vibaba sita vya dume moja la kondoo wa wale madume mawili ya kondoo,

¹⁵na vibaba vitatutatu vya kila mwana kondoo mmoja wa wale wana kondoo kumi na wanne.

¹⁶Tena na mtoe dume moja la mbuzi kuwa ng'ombe ya tambiko ya weuo pamoja na ng'ombe ya tambiko ya kuteketezwa nzima ya kila siku, tena na mvitoe navyo vilaji na vinywaji vyake vya tambiko.

¹⁷Siku ya pili na mtoe madume kumi na mawili ya ng'ombe walio vijana bado na madume mawili ya kondoo na wana kondoo kumi na wanne wa mwaka mmoja wasio na kilema.

¹⁸Navyo vilaji na vinywaji vyao vya tambiko vya madume ya ng'ombe navyo vya madume ya kondoo navyo vya wana kondoo na mvitoe kwa hesabu yao kama desturi.

¹⁹Tena na mtoe dume moja la mbuzi kuwa ng'ombe ya tambiko ya weuo pamoja na ng'ombe ya tambiko ya kuteketezwa nzima ya kila siku pamoja na vilaji vyake vya tambiko, tena na mvitoe navyo vinywaji vyao vya tambiko.

²⁰Siku ya tatu na mtoe madume kumi na moja ya ng'ombe na madume mawili ya kondoo na wana kondoo kumi na wanne wa mwaka mmoja wasio na kilema.

²¹Navyo vilaji na vinywaji vya tambiko vya madume ya ng'ombe, navyo vya madume ya kondoo, navyo vya wana kondoo na mvitoe kwa hesabu yao kama desturi.

²²Tena na mtoe dume moja la mbuzi kuwa ng'ombe ya tambiko ya weuo pamoja na ng'ombe ya tambik ya kuteketezwa nzima ya kila siku, tena na mvitoe navyo vilaji na vinywaji vyake vya tambiko.

²³Siku ya nne na mtoe madume kumi ya ng'ombe na madume mawili ya kondoo na wana kondoo kumi na wanne wa mwaka mmoja wasio na kilema.

²⁴Navyo vilaji na vinywaji vyao vya tambiko vya madume ya ng'ombe, navyo vya madume ya kondoo, navyo vya wana kondoo na mvitoe kwa hesabu yao kama desturi.

²⁵Tena na mtoe dume moja la mbuzi kuwa ng'ombe ya tambiko ya weuo pamoja na ng'ombe ya tambiko ya kuteketezwa nzima ya kila siku, tena na mvitoe navyo vilaji na vinywaji vyake vya tambiko.

²⁶Siku ya tano na mtoe madume tisa ya ng'ombe na madume mawili ya kondoo na wana kondoo kumi na wanne wa mwaka mmoja wasio na kilema.

²⁷Navyo vilaji na vinywaji vyao vya tambiko vya madume ya ng'ombe, navyo vya madume ya kondoo, navyo vya wana kondoo na mvitoe kwa hesabu yao kama desturi.

²⁸Tena na mtoe dume moja la mbuzi kuwa ng'ombe ya tambiko ya weuo pamoja na ng'ombe ya tambiko ya kuteketezwa nzima ya kila siku, tena na mvitoe navyo vilaji na vinywaji vyake vya tambiko.

²⁹Siku ya sita na mtoe madume manane ya ng'ombe na madume mawili ya kondoo na wana mbuzi kumi na wanne wa mwaka mmoja wasio na kilema.

³⁰Navyo vilaji na vinywaji vyao vya tambiko vya madume ya ng'ombe, navyo vya madume ya kondoo, navyo vya wana kondoo na mvitoe kwa hesabu yao kama desturi.

³¹Tena na mtoe dume moja la mbuzi kuwa ng'ombe ya tambiko ya weuo pamoja na ng'ombe ya tambiko ya kuteketezwa nzima ya kila siku, tena na mvitoe navyo vilaji na vinywaji vyake vya tambiko.

³²Siku ya saba na mtoe madume saba ya ng'ombe na madume mawili ya kondoo na wana kondoo kumi na wanne wa mwaka mmoja wasio na kilema.

³³Navyo vilaji na vinywaji vyao vya tambiko vya madume ya ng'ombe, navyo vya madume ya kondoo, navyo vya wana kondoo na mvitoe kwa hesabu yao kama desturi.

³⁴Tena na mtoe dume moja la mbuzi kuwa ng'ombe ya tambiko ya weuo pamoja na ng'ombe ya tambiko ya kuteketezwa nzima ya kila siku, tena na mvitoe navyo vilaji na vinywaji vyake vya tambiko.

³⁵Siku ya nane na iwe ya mkutano mkuu kwenu, msifanye kazi yo yote ya utumishi,

³⁶ila mtoe ng'ombe za tambiko za kuteketezwa nzima, ziwe moto wenye mnuko wa kumpendeza Bwana: dume moja la ng'ombe na dume moja la kondoo na wana kondoo saba wa mwaka mmoja wasio na kilema.

³⁷Navyo vilaji na vinywaji vyote vya tambiko vya yule dume la ng'ombe, navyo vya yule dume la kondoo, navyo vya wale wana kondoo na mvitoe kwa hesabu yao kama desturi.

³⁸Tena na mtoe dume moja la mbuzi kuwa ng'ombe ya tambiko ya weuo pamoja na ng'ombe ya tambiko ya kuteketezwa nzima ya kila siku, tena na mvitoe navyo vilaji na vinywaji vyake vya tambiko.

³⁹Hizo ndizo ng'ombe za tambiko, mtakazomtolea Bwana, sikukuu zenu zitakapotimia; tena ziko zile, mtakazozitoa kwa kuapa au kwa kupenda wenyewe kuwa ng'ombe zenu za tambiko za kuteketezwa nzima au vilaji au vinywaji vyenu vya tambiko au ng'ombe zenu za tambiko za shukrani.

⁴⁰Mose akawaambia wana wa Isiraeli haya yote, kama Bwana alivyomwagiza Mose.